मुकेश चौधरी कार्यकारी संपादक
महाराष्ट्र संदेश न्युज ! ऑनलाईन वर्धा:- जिल्हातील हिंगणघाट शहरातून एक खळबळजनक माहिती समोर आली आहे. येथे राष्ट्रीय स्वयंसेवक संघ: आरएसएस चे जिल्हा संघचालक जेठानंद राजपूत यांना वर्धा वरून हिंगणघाट येथे असताना नांदगाव चौरस्त्या वर उतरून 5 ते 7 गुंडांनी मारहाण करण्यात आल्याची घटना समोर आली आहे. त्यामुळे हिंगणघाट शहरात काही वेळ तणावाचे वातावरण निर्माण झाले आहे. घटना बघता जिल्हा पोलिस अधीक्षक नुरूल हसन यांनी स्वतः हिंगणघाट पोलीस स्टेशन मध्ये येऊन पूर्ण कमान आपल्या हातात घेतली.
राष्ट्रीय स्वयंसेवक संघ आरएसएस चे जिल्हा संघचालक जेठानंद राजपूत हे वर्धा येथून हिंगणघाट येथे येण्यासाठी बस मध्ये बसले यावेळी बस मध्ये शुल्लक कारणावरून झडगा झाला. पण समोरच्या व्यक्तीने हिंगणघाट शहराच्या हद्दीत बस येताच त्याने इतर गुंडांना नांदगाव चौरस्ता येथे बोलावून या सर्वांनी मिळून जेठानंद राजपूत यांनी मारहाण केली.
राष्ट्रीय स्वयंसेवक संघ आरएसएस चे जिल्हा संघचालक जेठानंद राजपूत यांनी मारहाणीची घटना संपूर्ण हिंगणघाट शहरात वाऱ्यासारखी पसरली आणि बघता क्षणी आरोपीवर कारवाई करण्यासाठीराष्ट्रीय स्वयंसेवक संघ आरएसएस कार्यकर्ते, बजरंग दल, बिजेपी चे कार्यकर्ते मोठ्या संख्येने हिंगणघाट पोलीस स्टेशन मध्ये जमा झाले.
हिंगनघाट शहर पोलिस स्टेशन मध्ये तक्रार अज्ञात आरोपी विरूध्द गुन्हा दाखल करण्यात आला. रात्री उशिरापर्यंत गुन्हा दाखल करण्याची प्रक्रिया सुरू होती. गुन्हेगारांवर कठोर कारवाई करण्यात येणार आहे अशी माहिती यावेळी पोलीस अधीक्षक यांनी दिली.
हिंगणघाट शहरातील संपूर्ण परिस्थिती नियंत्रणात आहे. संपूर्ण जिल्ह्यावर प्रशासनाचे लक्ष असून हिंगणघाट मध्ये शांतता राखण्यासाठी अतिरिक्त पोलिस बंदोबस्त देण्यात येत आहे. नागरिकांनी सोशल मीडियातून पसरणाऱ्या कोणत्याही अफवांवर विश्वास ठेवू नये. शहरातील आणि जिल्ह्यातील शांतता अबाधित राहण्यासाठी सर्वांनी प्रयत्न करावे आणि प्रशासनाला सहकार्य करावे, असे आवाहन जिल्हा पोलिस अधीक्षक नुरुल हसन, हिंगणघाट उपविभागीय अधिकारी शिल्पा सोनोने यांनी केले.
