पंकेश जाधव पुणे ब्यूरो चीफ 7020794626
शिवजीनगर पोलीस स्टेशन पुणे शहर
महाराष्ट्र संदेश न्यूज ! ऑनलाईन पुणे :- आज दिनांक 28/6/2023 रोजी 12.00 वा ते 13.00 वा. दरम्यान शिवाजीनगर पोलीस स्टेशन व मॉर्डर्न महाविद्यालय मॉडर्न मुलींचे हायस्कूल शिवाजीनगर पुणे यांच्या संयुक्त विद्यमाने शिवाजीनगर पोलीस स्टेशन हद्दीमध्ये आंतरराष्ट्रीय अमली पदार्थ विरोधी दिनानिमित्त रॅली द्वारे जनजागृती करण्यात आली.
यावेळी कॉलेजमधील विद्यार्थी – विद्यार्थिनी यांना धूम्रपान व कुठलेही प्रकारचे व्यसन करू नये ते केल्यास शरीरास किती धोका आहे याबाबत मार्गदर्शन करण्यात आले. तसेच आपण आपल्या घरातील लोकांना तसेच मित्र मंडळी, परिवारास व्यसनाधीन न होता, व्यसनमुक्ती कडे वळवण्याचा प्रयत्न करावा असे आवाहन करण्यात आले.त्यांना आम्ही स्वतः व मॉडर्न महाविद्यालयाचे प्राचार्य श्री झुंजारराव सर व त्यांचा सहकारी स्टाफ यांनी सुद्धा बहुमूल्य मार्गदर्शन केले. तसेच त्यांना अमली पदार्थ हे कसे असतात कोणत्या प्रकारच्या असतात याबाबत माहिती देण्यात आली. व त्यापासून दूर राहण्यास सांगण्यात आले. तसेच त्यांच्या अडचणी जाणून घेतल्या. यावेळी अमली पदार्थ सेवन न करणे बाबत शपथ घेण्यात आली.
सदर रॅली करिता सहाय्यक पोलीस आयुक्त विश्रामबाग विभाग पुणे शहर,पोनि गुन्हे शिवाजीनगर श्री गौड, पोस्टे कडील सर्व अधिकारी व पोलीस अंमलदार, महाविद्यालय व हायस्कूलचे प्राचार्य व वर्गशिक्षक 1000 ते 1200 विद्यार्थी विद्यार्थिनी सहभागी झाले होते. रॅली शांततेत पार पडली आहे.
मार्ग = मॉडर्न कॉलेज येथून सुरुवात = मॉडर्न हायस्कूल चौक = झाशी राणी चौक = घोले रोड = तुकाराम पादुका चौक = ज्ञानेश्वर पादुका चौक = मॉडर्न महाविद्यालय येथे समाप्त.
