युवराज मेश्राम, विदर्भ ब्युरो चीफ नागपुर
महाराष्ट्र संदेश न्युज ! ऑनलाईन नागपूर:- जिल्हातून एक संतापजनक घटना समोर आली आहे. येथे 12 व्या वर्गात शिक्षण घेत असलेल्या एका विद्यार्थिनीला रस्त्यावरून उचलून घरात नेऊन तिला कोंडून बलात्कार करण्यात आला. नराधमाच्या तावडीतून कशीबशी सुटका झाल्यानंतर घडलेला हा प्रकार या अल्पवयीन तरुणीने आपल्या पालकांना सांगितला.
नागपूर जिल्ह्यातील भिवापूरमध्ये अल्पवयीन मुलीवर अत्याचार झाल्याची घटना समोर येताच सर्वत्र संताप व्यक्त करण्यात येत आहे. या प्रकरणी पोलिसांनी विविध कलमा अन्वये गुन्हा दाखल करून आरोपी युवकाला अटक केली. सागर जनार्धन राऊत वय 22 वर्ष असे आरोपीचे नाव आहे.
पोलिसांनी दिलेल्या माहितीनुसार, 16 वर्षीय अल्पवयीन मुलगी 12 व्या वर्गात शिक्षण घेत आहे. तिचे आईवडिल शेतमजूर आहेत. तिच्यावर आरोपी सागर राऊत याची वाईट नजर होती. तो नेहमी तिच्या पाठलाग करीत तिला जातीवाचक शिवीगाळ करीत होता. त्याची एकदा तक्रार आईवडिलाकडे केली होती. त्याची समजूत घालण्यात आली होती. मात्र, तेव्हापासून तो मुलीला जास्त त्रास द्यायला लागला. तिच्या महाविद्यालयाच्या प्रवेशद्वाराजवळ उभा राहून तिच्यावर शेरेबाजी करायला लागला. अनेकदा त्याने तिला रस्त्यावर अडवून प्रेमसंबंध ठेवण्या साठी दबाव टाकला. मात्र, तिने वारंवार त्याला नकार दिला. त्यामुळे चिडलेल्या सागरने तिला बलात्कार करण्याची धमकी दिली होती.
26 जूनला दुपारी बारा वाजता वस्तीतील लोक शेतात गेल्यानंतर मुलगी आजीला बोलवायला शेजारी जात होती. त्यावेळी सागरने तिला रस्त्यावरून उचलून घरी नेले. तिच्याशी बळजबरी शारीरिक संबंध प्रस्थापित केले. तिला घरात कोंडून ठेवले. मात्र, तिने खिडकीतून उडी घेऊन तेथून पळ काढला. सायंकाळी आई-वडिलांना घडलेला प्रकार सांगितला. त्यांनी भिवापूर पोलीस ठाण्यात तक्रार दिली. पोलिसांनी गुन्हा दाखल करून सागर राऊत याला अटक केली.