हनिशा दुधे, चंद्रपूर ग्रामीण जिल्हा प्रतिनिधी
महाराष्ट्र संदेश न्युज! ऑनलाईन चंद्रपूर:- सकाळी फिरायला गेलेल्या एका इसमावर अचानक अस्वलाने हल्ला केला. या हल्ल्यात सदर इसम गंभीर जखमी झाला आहे. ही घटना 7 जुलै रोजी पहाटेच्या सुमारास घडली त्यामुळे परीसरात दहशत निर्माण झाली आहे.
चंद्रपूर शहरातील तुकुम परीसरातील छत्रपती नगर येथील विद्या विहार कॉन्व्हेंट जवळ पहाटेच्या सुमारास फिरायला गेलेल्या प्रेमदास मारोती रामटेके यांचेवर अस्वलने जबर हल्ला करून गंभीर जखमी केल्याची घटना घडली.
प्रेमदास मारोती रामटेके यांच्या डोक्यावर आणि चेहऱ्यावर या अस्वलच्या हल्ल्यात गंभीर दुखापत झाली असून चंद्रपूर जिल्हा सामान्य रुग्णालयात उपचार सुरू आहेत.
सदर परिसर हा सतत रहदारीचा असून या परिसरात दाट लोकवस्तीचा आहे. बाजूलाच विद्या विहार कॉन्व्हेंट असून शेकडो विध्यार्थी या शाळेत शिक्षण घेत आहे. त्यामुळे परीसरात या परिसरातील नागरिकांन मध्ये मोठ्या प्रमाणात दहशत निर्माण झाली आहे.
या घटनेमुळे या परिसरात अस्वलचे वास्तव्य असल्याचे स्पष्ट होत आहे. त्यामुळे वनविभागाने सदर अस्वलाचा बंदोबस्त करावा अशी मागणी स्थानीक नागरिकांनी केली होत आहे.
आपल्या परिसरातील बातम्या करीता आजच संपर्क साधावा प्रशांत जगताप 9766445348/7385445348
