डॅनियल अँन्थोनी, पिंपरी चिंचवड प्रतिनिधी
महाराष्ट्र संदेश न्युज ! ऑनलाईन पिंपरी:- पिंपरी चिंचवड पोलीस आयुक्त विनय कुमार चौबे यांनी गुन्हेगारांवर कारवाईचा बडगा सुरुच ठेवला आहे .दोन दिवसापूर्वी पोलीस आयुक्तालयाच्या कार्यक्षेत्रातील ०३ टोळ्यांवर महाराष्ट्र संघटित गुन्हेगारी नियंत्रण अधिनियम सन १९९९ चे कलम ३(१),३(४)या कलमानुसार मोका अंतर्गत कारवाई केली असताना आता दुसऱ्या ०२ टोळ्यावर मोका अंतर्गत कारवाई करण्यात आली आहे. चाकण आणि पिंपरी पोलीस ठाणे हद्दीतील या दोन टोळीचा समावेश असल्याची माहिती पोलिसाकडून देण्यात आली आहे.
पोलीस उपायुक्त स्वप्ना गोरे यांनी दिलेल्या माहिती नुसार चाकण पोलीस ठाणे अंतर्गत टोळी प्रमुख १) गणेश उर्फ लहू रामभाऊ चव्हाण वय २८ वर्षे, रा.मराठी शाळेजवळ, लोणीकंद, ता.हवेली जि. पुणे व त्याचे इतर ०२ साक्षीदार यांच्यावर मोका अंतर्गत कारवाई करण्यात आली आहे. पिंपरी चिंचवड पोलीस आयुक्तांच्या कार्यक्षेत्र त्यांच्याविरुद्ध दरोडा घालणे,जबरी चोरी, विश्वासघात करून चोरी करणे, विना परवाना हत्यार बाळगणे, असे एकूण १० गंभीर स्वरूपाची गुन्हे दाखल आहेत.
पिंपरी पोलीस स्टेशन अंतर्गत टोळीप्रमुख १) अतुल उर्फ चांड्या अविनाश पवार (वय ३०,वर्ष रा. व्ही, -६ मिलिंद नगर पिंपरी ))आणि त्याचे इतर १५ साथीदार यांच्या विरुद्ध मोका अंतर्गत कारवाई करण्यात आली आहे. यांच्या विरोधात खून करण्याच्या उद्देशाने, अपहरण करणे ,खुनाचा प्रयत्न करणे, कट रचने, पुरावा नष्ट करणे, दरोडा दरोडयाची तयारी करणे, जबर दुखापत करणे, जबरी चोरी करणे, सरकारी कामात अडथळा निर्माण करणे, सदोष मनुष्यवध करणे, विनयभंग करणे, खंडणी मागणे, दुखापत करणे सार्वजनिक मालमत्तेचे तोडफोड करणे, गैरकायदयाची मंडळी जमवणे, बेकायदेशीर घातक शस्त्र जवळ वागणे, असे एकूण २१ गंभीर स्वरूपाचे गुन्हे दाखल आहेत.
वरील दोन्ही टोळ्यांमधील सर्व आरोपी यांनी संघटित गुन्हेगारी टोळी बनवून हिंसाचाराचा वापर करून वर्चस्वासाठी व आर्थिक फायद्यासाठी असंघटित गुन्हे करीत असल्याचे निष्पन्न झाले आहे .पिंपरी चिंचवड पोलीस आयुक्तालयाच्या कार्यक्षेत्रात सन २०२३पर्यंत आज पर्यंत १६ संघटित गुन्हेगारी टोळ्यांतील एकूण १८७,आरोपीवरमोका कायदा अंतर्गत कारवाई करण्यात आली आहे.
पिंपरी पोलीस आयुक्त विनय कुमार चौबे सह आयुक्त डॉ. संजय शिंदे, अप्पर पोलीस आयुक्त वसंत परदेशी पोलीस उपायुक्त स्वप्ना गोरे पोलीस उपायुक्त विवेक पाटील, सहाय्यक पोलीस आयुक्त बाळासाहेब कोपनर, यांच्या मार्गदर्शनाखाली पिंपरी पोलीस ठाण्याचे वरिष्ठ पोलीस निरीक्षक शंकर अवताडे (पी.सी.बी गुन्हे अतिरिक्त कार्यभार चाकण) पोलीस स्टेशनचे वरिष्ठ पोलीस निरीक्षक वैभव शिंगारे, पोलीस स्टेशनचे वरिष्ठ राम राजमाने, पोलीस हवालदार सचिन चव्हाण, पीसीबी गुन्हे शाखा व्यंकप्पा, कारभारी, चाकण पोलीस स्टेशन पोलीस नाईक नितीन गुंजाळ पिंपरी पोलीस नाईक ओंकार बंड यांच्या पथकाने ही कारवाई केली आहे.
