राजेंद्र झाडे, चंद्रपूर उपजिल्हा प्रतीनीधी मो.नंबर 9518368177
महाराष्ट्र संदेश न्युज ! ऑनलाईन गोंडपिपरी:- अंधश्रद्धेवर विश्वास ठेवणारे लोक गुप्तधनाच्या आशेने कोणतेही पाऊल उचलत असतात. गुप्तधन मिळवण्यासाठी तांत्रिक, मांत्रिकाच्या साह्याने पूजा अर्चना करत अनेकजण ते मिळविन्यासाठी प्रयत्न करत असतात. काही वेळा गुप्तधनाच्या आशेने नरबळी देत माणुसकीला काळिमा फासणाऱ्या देखील घटना समोर आल्या आहेत. गुप्तधन मिळवण्यासाठी अनेकजण प्राण्यांचा वापर करत त्यांचा छळ करत असतात. अशीच एक घटना चंद्रपूर जिल्ह्यातून समोर आली आहे.
पैशांचा पाऊस पाडण्यासाठी कासव घरी आणला. याची कुणकुण पोलिसांना लागली. पोलिसांनी घरी धाड टाकली तेव्हा पोलिसही चक्रावले. घरी सापडलेला कासव असीएटिक साप्ट शेल या दुर्मिळ प्रजातीचा होता. हा धक्कादायक प्रकार जिल्हातील गोंडपिपरी तालुक्यात घडला. या प्रकरणी पोलिसांनी प्रमोद भगाकार पोटे वय ३७, रा. भंगारपेठ, रवींद्र व्यंकोजी मडपल्लीवार वय ३५, रा. शिवणी देशपांडे या दोघांना ताब्यात घेतले आहे. कासवाला वनविभागाचा स्वाधीन करण्यात आले आहे.
गुप्तधन शोधण्यासाठी विविध प्राण्यांच्या वापर केला जातो. त्यातच कासवाचा वापर करून पैशाचा पाऊस पडला जातो अशी अंधश्रद्धा ग्रामीण भागात आजही आहे. त्यामुळे विशिष्ट प्रजातीच्या कासव शोधणारी टोळी जिल्ह्यातील अनेक भागात सक्रिय आहेत. अशातच गोंडपिपरी तालुक्यातील भंगारपेठ येथील प्रमोद पोटे याच्या घरी दुर्मिळ प्रजातीचा कासव विक्रीसाठी आणून ठेवल्याची माहिती गोंडपिपरी पोलिस स्टेशनचे पोलिस निरीक्षक जीवन राजगुरू यांना मिळाली. त्यांनी पंचासमक्ष छापा टाकून त्याच्या घराची झडती घेतली असता घरात असिएटिक साफ्ट शेल प्रजातीच्या दुर्मिळ कासव आढळून आला.
पोटे याने तो कासव रवींद्र व्यंकोजी मडपल्लीवार याच्याकडून खरेदी केल्याचे सांगितले. पोलिसांनी दोघांनाही ताब्यात घेऊन वनपरिक्षेत्र अधिकारी, धाबा परिक्षेत्र यांच्या स्वाधीन केले. जप्त करण्यात आलेला कासव २५ हजार रुपये किंमतीचा आहे. चंद्रपूर येथील रेस्क्यू सेंटरमध्ये कासवाला ठेवण्यात आले आहे.
सदर कारवाई पोलिस अधीक्षक रवींद्रसिंह परदेशी, अपर पोलिस अधीक्षक रिना जनबंधू यांच्या मार्गदर्शनाखाली ठाणेदार जीवन राजगुरू, वंदीराम पाल, नंदकिशोर माहूरकर, अनुप निकुरे, प्रेम चव्हाण, स्थानिक गुन्हे शाखा चंद्रपूरचे पोलिस निरीक्षक महेश कोंडावार, पोउपनि विनोद भुरले पोहवा प्रकाश बल्की, सुभाष गोहोकार, सायबर पोलिस स्टेशनचे पोलिस अंमलदार मुजावर अली, कार्तिक खनके आदींनी केली.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
