महाराष्ट्र संदेश न्युज प्रतिनिधी
महाराष्ट्र संदेश न्युज ! ऑनलाईन मध्यप्रदेश:- येथून एक संतापजनक प्रकार समोर आला आहे. येथील छतरपूर जिल्ह्यात माणुसकीला काळीमा फासणारी घटना समोर आली आहे. एका दलित व्यक्तीने त्याला मानवी विष्ठा खायला लावल्याचा आरोप केला आहे. ही बाब समोर आल्यानंतर वरिष्ठ पोलीस अधिकारी घटनास्थळी पोहोचले आणि त्यांनी तडकाफडकी आरोपींविरुद्ध गुन्हा दाखल केला.
या घटनेतील पीडित देशराज अहिरवार यांनी आरोप केला आहे की, गावातील राम कृपाल या व्यक्तीने मानवी विष्ठा जबरदस्तीने त्यांच्या तोंडात टाकली, ही घटना शुक्रवारी दुपारी 12 वाजता घडली. या घटनेनंतर घाबरले असल्याचे देशराज यांनी सांगितले.
देशराज यांनी यानंतर घडलेली अजून एक धक्कादायक घटना सांगितली. या घटनेनंतर मी गावातील लोकांना माझ्या सोबत घडलेली घटना सांगितली, तेव्हा गावातील लोकांनी पंचायत बोलावली आणि माझ्याकडून 600 रुपये दंड वसूल करण्यात आला.
प्राप्त माहितीनुसार, महाराजपूर पोलीस स्टेशन हद्दीतील डिकौरा गावात राहणारे देशराज हे अहिरवार गावात रस्ता बांधकामात मजूर म्हणून काम करत होते. त्यावेळी त्यांनी चेष्टेने राम कृपाल पटेल यांच्या हातात हात घातला. याचा राग आल्याने राम कृपाल पटेल यांनी त्यांना मारहाण तर केली व शिवाय त्यांच्या तोंडात मानवी विष्ठा टाकली.
पीडित देशराज अहिरवार यांनी आरोप केला आहे की, या घटनेनंतर मी घाबरल्याने पोलिसात तक्रार दाखल करण्यासाठी त्या दिवशी जाऊ शकलो नाही. मात्र यानंतर अजून धक्कादायक गोष्ट घडली. या घटनेनंतर गावकऱ्यांनी गावात पंचायत बोलावली, आणि पीडित व्यक्तीला दंड भरावा लागला
महाराजपूर पोलिसांनी या प्रकरणी एफआयआर नोंदवला आहे, फिर्यादीने आरोप केला आहे की त्याला मानवी विष्ठा खाऊ घालण्यात आली आणि मारहाण करण्यात आली, मात्र पोलिसांनी एफआयआरमध्ये तक्रारदाराच्या अंगावर मानवी मलमूत्र फेकल्याचा उल्लेख केला आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
