पंकेश जाधव, पुणे ब्यूरो चीफ
महाराष्ट्र संदेश न्युज ! ऑनलाईन पुणे:- शिक्रापूर पोलिस स्टेशन येथील पोलीस कर्मचाऱ्यांना काठीने डोक्यावर मारहाण जखमी केल्या प्रकरणी न्यायालयाने आरोपीची निर्दोष मुक्तता केली आहे. हा महत्वपूर्ण निकाल पुणे जिल्हा व सत्र न्यायालय दिला आहे.
प्राप्त माहितीनुसार दि.03 मार्च 2019 रोजी शिक्रापूर पोलिस स्टेशन येथे पोलिस उपनिरीक्षक यांच्या माहितीप्रमाणे गु.र. क्र. 856/2018 भादवि कलम 420, 467, 468, 471, 34 प्रमाणे, त्यामधील फरार आरोपी संतोष नामदेव वाळुंज रा. शिंदोडी ता. शिरूर याचा राहत्या घरी जाऊन शोध घेणे, व त्यास आदेशाप्रमाणे अटक करणे व पोलिस स्टाफ घटनास्थळावर जाऊन शोध घेण्यास सुरू केले असता आरोपी क्र. 1) संतोष नामदेव वाळुंज आरोपी क्र. 2)नामदेव नाना वाळुंज सदर ठिकाणी पोलिसांनी अटक करणार सांगताच सदर पोलिसांवर डोक्यात काठी व हातावर काठी मारल्याचा प्रकार घडला होता, त्यानंतर घटनास्थळावरून दोन्ही ही आरोपी पळून गेले होते. सदर प्रकरण घडल्यानंतर पो. कॉन्स्टेबल यांनी शिक्रापूर पोलिस स्टेशन फिर्याद नोंदविली होती.
फिर्यादीनुसार आरोपींवर भादवि कलम 224, 225, 353, 324, 323, 332, 504, 506, 34 प्रमाणे गुन्हा दाखल करण्यात आला होता. याचा सखोल तपास करून पोलिसांनी पुणे जिल्हा व सत्र न्यायालयाकडे प्रकरण प्रविष्ट केले. सदर प्रकरण पुणे जिल्हा व सत्र न्यायालय यांच्याकडे प्रकरणाची सुनावणी झाली. सरकार पक्षातर्फे अनेक जणांची साक्ष, कागदपत्रे, मुद्देमाल तपासण्यात आले मात्र सबळ पुराव्याअभावी या प्रकरणी आरोपीस निर्दोष मुक्तता करण्यात आली.
या प्रकरणात अरोपीतर्फे, ॲड. अरविंद धकाते, ॲड. संदीप बोरकर, ॲड. शुभम लोखंडे, ॲड. राकेश धकाते आणि ॲड. शैलेश बेरे पाटील यांनी बचाव पक्षातर्फे कामकाज पाहिले. आणि यांचा बचाव मा. न्यायालयाने ग्राह्य धरून दोन्ही आरोपींची पुणे जिल्हा व सत्र न्यायालयाने निर्दोष मुक्तता केली.
