शिवाजीनगर पोलीस ठाणेकडील अन्यायाने विश्वासघात करणाऱ्या गुन्हयातील आरोपीस ०२ वर्षाची सश्रम कारावासाची आणि रुपये ५०००/- दंडाची शिक्षा

पंकेश जाधव पुणे ब्यूरो चिफ 7020794626

शिवाजीनगर पोलीस स्टेशन पुणे शहर

महाराष्ट्र संदेश न्यूज ! ऑनलाईन पुणे :- फिर्यादी नामे सौ. वंदना विजय आडसुळ या शिवाजीनगर कोर्ट नं ०३ येथे नियुक्त असताना कोर्टात दाखल असलेली केसची फाईल, आरोपी नामे अँड राहुल रमेश माडेकर व मयत आरोपी नामे विद्या संपतराव साळुंखे यांनी आपसात संगनमत करुन फिर्यादीकडुन सदर केसची फाईल दिनांक २५/०१/२०१२ रोजी १६ / ३० वाजेच्या सुमारास कोर्ट क्रमांक ०३ शिवाजीनगर येथून पाहणेकरीता मागितली असता ती फिर्यादीने विश्वासाने आरोपींना ताब्यात दिली व आरोपींनी परत देतो असे म्हणुन परत दिली नाही. म्हणुन सदरबाबत शिवाजीनगर पोलीस ठाणे येथे वरील दोन्ही आरोपीविरुध्द गुन्हा रजि नं. ३८ / २०१२ भादवि कलम ४०६, ३४ प्रमाणे गुन्हा दाखल करण्यात आला होता. दाखल गुन्ह्याचा तपास श्री. चव्हाण, सहा पोलीस निरीक्षक, शिवाजीनगर पोलीस स्टेशन पुणे शहर यांनी करून मा. न्यायालयामध्ये दोषारोप पत्र दाखल केले होते. दाखल गुन्ह्यातील आरोपी नामे विद्या संपतराव साळुंखे या दरम्यानच्या काळात मयत झाल्या. सदर कामी सरकार पक्षाने एकुण ०७ साक्षीदार तपासले. दिनांक ०४/०८/२०२३ रोजी मा. अति. मुख्य न्यायदंडाधिकारी श्री. एस. आर. तोतला यांचे न्यायालयात आरोपीतांविरुध्द गुन्हा शाबीत झाला व त्यात आरोपीत अँड राहुल रामेश माडेकर यास २ वर्ष सश्रम कारावासाची शिक्षा आणि रुपये ५०००/- दंड अशी शिक्षा सुनावण्यात आलेली आहे..

सदर कामी सरकारतर्फे सहाय्यक सरकारी अभियोक्ता श्रीमती प्रियंका वेंगुर्लेकर यांनी काम पाहिले. तसेच शिवाजीनगर पोलीस स्टेशनचे कोर्ट पैरवी अंमलदार सपोफी मोहन भापकर, कोर्ट अंमलदार पोहवा, ५७२० सोनवणे, मपोशि ९३११ बेंद्रे यांनी केसचे कामकाज पाहीले.