✒️प्रविण जगताप, वर्धा उपजिल्हा प्रतिनिधी
मोबा नंबर :- 9284981757
महाराष्ट्र संदेश न्युज ! ऑनलाईन आष्टी, दि.9:- सर्वसामान्य नागरिकांना महसूल विभागाच्या सेवा उपलब्ध करून देण्यासाठी महसूल सप्ताहाचे आयोजन करण्यात आले होते. तहसिल कार्यालय आष्टीच्या वतीने या सप्ताहांतर्गत आत्महत्याग्रस्त शेतकऱ्यांच्या कुटुंबांना शासकीय मदतीचे वाटप करण्यात आले.
तहसिल कार्यालयाच्या सभागृहात आयोजित कार्यक्रमात एकूण 10 शेतकरी आत्महत्याग्रस्त कुटुंबांना प्रत्येकी एक लाख रुपये याप्रमाणे एकूण दहा कुटुंबांना दहा लाख रुपये रकमेच्या मदतीचे वाटप करण्यात आले. या अनुदान वाटपामध्ये रोख प्रत्येकी 30 हजार रुपये धनादेशाद्वारे आणि पोस्ट ऑफिस आष्टी मध्ये प्रत्येकी रुपये 70 हजार रकमेची मुदतठेव गुंतवणूक करण्यात आली.
सदर मदतीचे वाटप शेतकरी आत्महत्याग्रस्त कुटुंब नथुजी नांदणे रा. भिष्णूर, शिवदास दहेकार रा. परसोडा, राधाबाई काळे रा. जुना अंतोरा, अन्नपूर्णा दूधकवरे रा. दुर्गवाडा, चंद्रकला गणेश्वर रा. साहूर, मुरलीधर दापूरकर रा. टेकोडा, आशा सोळंके रा. टेकोडा, उषा गोमासे रा. साहूर, कृतिका ठाकरे रा. पोरगव्हान आणि भावना ठाकरे रा. वर्धापूर या दहा कुटुंबांना रुपये एक लाख रकमेचे वाटप करण्यात आले. ही रक्कम वाटप करतेवेळी तहसीलदार सचिन कुमावत, नायब तहसीलदार, मंडळ अधिकारी व तलाठी हे उपस्थित होते.
