रविंद्र भदर्गे, जालना उपजिल्हा प्रतिनिधी
महाराष्ट्र संदेश न्युज ! ऑनलाईन जालना:- जिल्हातून एक भीषण अपघाताची घटना समोर आली आहे. जालना-पुसद मुंबई एसटी बसचा भीषण अपघात झाला आहे. एका आयशरला ट्रक ला ओव्हरटेक करण्याच्या नादात राज्य परिवहन महामंडळाची एसटी 30 फूट खाली कोसळली. यावेळी एसटी मध्ये प्रवास करणाऱ्या प्रवाशाची जोरदार किंचाळ्याने हाहाकार माजला होता. या अपघातात 22 प्रवाशी जखमी झाले आहेत. जालना जिल्ह्यातील मंठा तालुक्यातल्या केंदळी फाट्याजवळ हा भीषण अपघात झाला आहे.
पुसद येथून मुंबईला जाणारी MH-13-CU- 7512 या क्रमांकाची प्रवाशी एसटी बस रस्त्याच्या बाजूला 30 फूट खाली कोसळली. या अपघातात 22 प्रवासी किरकोळ जखमी झाले आहेत. जखमींना जवळच्या रुग्णालयात दाखल करण्यात आले आहे. एसटी बसमध्ये एकूण 42 प्रवासी होते. केंदळी फाट्याजवळ पुलाचे काम सुरू असलेल्या ठिकाणी समोर असलेल्या आयशरला ओव्हरटेक करताना हा अपघात झाला.
एसटी चालकाचे गाडीवरील नियंत्रण सुटल्यामुळं हा भीषण अपघात झाला आहे. हा अपघात झाल्यानंतर स्थानिक नागरिक आणि पोलिसांच्या मदतीने प्रवाशांना बाहेर काढून मंठा येथील प्राथमिक आरोग्य केंद्रात उपचारासाठी हलवण्यात आलं. या अपघाताची माहिती मिळताच जिल्हाधिकारी श्रीकृष्णनाथ पांचाळ आणि पोलीस अधीक्षक तुषार दोषी यांनी जिल्हा रुग्णालयात भेट देऊन जखमींची विचारपूस केली.
