उषाताई कांबळे, सांगली शहर प्रतिनीधी
महाराष्ट्र संदेश न्युज ! ऑनलाईन सांगली:- येथून एक खळबळजनक घटना समोर आली आहे. येथे एका 15 दिवसांच्या स्त्री जातीच्या अर्भक रस्त्याकडेच्या शेतात मिळून आल्याने खळबळ माजली आहे. कर्नाळ-नांद्रे मार्गावर एका शेतात रस्त्याच्याकडेला मंगळवारी सकाळच्या सुमारास शेतात काम करत असलेल्या मजुरांना एक रडत असलेले चीमुकल बाळ मिळून आले यावेळी बाळाच्या आईचा आजूबाजूला शोध घेतला असता ती कुठेच मिळून आली नाही. त्यामुळे रडत असलेल्या त्या अर्भकाला रस्त्याने जाणाऱ्या महिलांनी आधार देत पोलिसांच्या स्वाधीन केले.
प्राप्त माहितीनुसार कर्नाळ-नांद्रे मार्गावर पश्चिम बाजूस असलेल्या अशोक नारायण रजपूत यांच्या मालकीची शेतात मंगळवारी सकाळी 10.15 वाजताच्या दरम्यान शेतातील बांधावर असलेल्या एका झाडाखाली एक चिमुकल बाळ रडत असल्याचे दिसून आले. यानंतर अर्भकाच्या आईचा शोध घेण्याचा प्रयत्न करण्यात आला. पण ती कुठेच मिळून आली नाही.
एका आईने आपल्या पोटच्या बाळाला दुपट्यामध्ये गुंडाळून शेतात उघड्यावरच फेकून दिले होते. यावेळी रस्त्याने जाणाऱ्या वाहनधारकांना हा प्रकार समजताच त्यांनी गर्दी केली. त्यातीलच काही महिलांनी त्या बाळाला माया दाखवत मांडीवर घेत शांत केले. यानंतर पोलिसांना याची माहिती देण्यात आली. महिला डॉक्टरांनीही यावेळी अर्भकाच्या प्रकृतीची तपासणी केली.
याप्रकरणी पोलिस कर्मचारी विष्णू भगवान काळे यांनी फिर्याद दिली असून, 25 ते 30 वर्षे वयाच्या महिलेने हे रस्तावर फेकून पलायन केल्याचे फिर्यादीत म्हटले आहे. त्यानुसार आता पोलिसांनी बाळाच्या आईचा शोध सुरू केला आहे,
