संदीप सुरडकर, नागपूर जिल्हा प्रतिनिधी
महाराष्ट्र संदेश न्यूज ! ऑनलाइन नागपूर:- शहरातील दुर्गा नगर ते भवानी माता मंदिर पुनापूर नाग नदीवरील पूल अत्यंत धोकादायक स्थितीत आहे. पुलावरून वाहतूक पूर्ण बंद आहे. या पुलाचें काम करण्याची वारंवार मागणी करून ही प्रशासन आणि शासनाने याची साधी दखल घेतली नाही. त्यामुळे राष्ट्रवादी अर्बन आणि स्थानिक नागरिकांनी मिळून अर्बन सेलचे अध्यक्ष श्रीकांत शिवणकर एकनाथ फलके हेमंत यादव यांच्या नेतृत्वात लकडगंज येथील सहाय्यक आयुक्तांना घेराव घालून आंदोलन केले तसेच लवकरात लवकर समस्या मार्गी न झाल्यास कार्यालयाला टाळे ठोकण्यासोबतच आमरण उपोषणाचा इशारा दिला.
दुर्गा नगर ते भवानी माता मंदिर पुनापूर नाग नदीवरील पूल अत्यंत धोकादायक स्थितीत आहे. त्यामुळे या पुलाचे दुरुस्तीचे काम प्रशासनाने त्वरित करावे. अन्यथा आंदोलन करून संघर्ष करावा लागेल. असा इशारा पूर्व विभागाचे अध्यक्ष एकनाथ फलके यांनी मनपाचे सहाय्यक आयुक्त गणेश राठोड यांना दिला. आठ दिवसात पुलाचे काम सुरू न झाल्यास आमरण उपोषण करण्याचा इशारा देखील दिला.
यावेळी उपस्थितीत पदाधिकारी श्रीकांत शिवणकर, एकनाथ फलके, मेहबूब पठाण, हेमंत यादव, मंगेश सावरकर, अनिकेत डोये, घनश्याम शाहू, राजन पटेल, दिलीप शाहू,सचिन पाटील, ललित सिह , संजय जोशी, संदीप ओके, संदीप खगार, संदीप सुरडकर यांच्यासह कार्यकर्ते आणि परिसरात नागरिक उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
