राज शिर्के, मुंबई शहर प्रतिनिधी
महाराष्ट्र संदेश न्युज ! ऑनलाईन मुंबई:- प्रेमात मनुष्य हा आंधळा होतो असं उगचं नाही म्हणतात. अशीच एक खळबळजनक घटना समोर आली आहे.मुंबई महानगर मधील मालाड मधून समोर आली. आपल्या प्रेमिकेचे लाड पुरवण्यासाठी प्रियकर चक्क चोर बनला आणि अखेर तुरुंगाची हवा खावी लागली. या दुचाकी चोरणाऱ्या आरोपी प्रेमिला पोलिसांनी बेड्या ठोकल्या आहे. अनिल भीमराव निंबाळकर असे अटक आरोपीचे नाव आहे.
आरोपी अनिल भीमराव निंबाळकर हा मालवणी येथील रहिवासी असून तो मेकॅनिकचे काम करतो. त्याने आपल्या प्रेमिकेला खुश करण्यासाठी चक्क दुचाकी चोरण्याचा सपाटा लावला पण पोलिसांनी त्याला मोठ्या शितापिने अटक केली आरोपीकडून चोरी केलेल्या सहा ॲक्टिव्हा दुचाकी गाड्या जप्त करण्यात आल्या आहेत.
काय आहे घटना? मुंबई येथील बोरीवली पोलीस स्टेशनच्या हद्दीत स्कूटी या दुचाकी चोरीच्या घटना मोठ्या प्रमाणात वाढत होत्या. बोरिवली पोलिसांनी गुन्हा दाखल करून चोरीचा तपास सुरू केला. सीसीटीव्ही आणि सूत्रांच्या मदतीने आरोपी मालाड परिसरात फिरत असल्याची माहिती पोलिसांना मिळाली. त्यानंतर बोरिवली पोलिसांनी एक पथक तयार करून आरोपीला मालाड येथून आरोपीला अटक केली. त्याच्याकडून 6 ॲक्टिव्ही दुचाकी जप्त करण्यात आल्या. आरोपीवर बोरिवली, दहिसर, चारकोप आणि कस्तुरबा येथे सहा गुन्हे दाखल आहेत.
पेशाने मेकॅनिक असल्याने आरोपी काही मिनिटांत स्कूटी चोरून पळून जायचा. प्रेयसीला खूश करण्यासाठी आरोपी रोज नवीन अॅक्टिव्हा चोरायचा. प्रेयसीला स्कूटीवरुन फिरवायचा. मग जिथे स्कूटीचे पेट्रोल संपायचे, तिथेच तो स्कूटी सोडून दुसरी स्कूटी चोरून पळून जायचा. अखेर त्याचा हा कारनामा पोलिसांच्या लक्षात आाला आणि पोलिसांनी त्याला बेड्या ठोकल्या. पोलीस अधिक तपास करत आहेत.
