सातारा जिल्हा प्रतिनिधी
महाराष्ट्र संदेश न्युज ! ऑनलाईन सातारा:- राज्यात दलीत आदिवासी समाजावर अन्यात अत्याचाराच्या घटना मोठ्या प्रमाणात वाढ झाली आहे. अअहमदनगर जिल्हा दलीत तरुणाला खाबुतर चोरीच्या संशयावरून मारहाण करून त्यांना मृत्र प्यायला भाग पाडले होते. ही घटना शांत होत नाही तर सातारा जिल्हातून पुरोगामी महाराष्ट्राला हादरवणारी घटना समोर आली आहे. सातारा जिल्हातील माण तालुक्यातील पानवण येथून धक्कादायक प्रकार समोर आला आहे. इथे एका मातंग समाजातील महिलेला आणि तिच्या मुलाला चौघांनी मिळून बेदम मारहाण केली आहे. यामुळे संपूर्ण परिसरात खळबळ उडाली असून पोलीस पुढील तपास करत असल्याची माहिती आहे.
प्राप्त माहितीनुसार जनावरांसाठी कडवळ चारा घेण्यासाठी दिलेले पैसे परत मागितले. या कारणावरून जातिवाचक शिवीगाळ करून महिलेला उसाचे दांडके व लाकडी काठीने जबर मारहाण केली. देवदास रोहिदास नरऴे वय 30 वर्ष, पिंटु उर्फ शांताराम रोहिदास नरळे वय 35 वर्ष, संतोष गोपाळ नरळे वय 36 वर्ष, जनाप्पा विठ्ठल शिंदे वय 60 वर्ष, सर्व रा. पाणवन (ता. माण ) अशी या गुन्ह्यातील संशयित आरोपींचा नावे आहेत. या प्रकरणी चौघांवर म्हसवड पोलीस ठाण्यात गुन्हा दाखल करण्यात आला आहे. यापैकी देवदास नरळे व पिंटु उर्फ शांताराम नरळे या दोघांना पोलिसांनी ताब्यात घेतलं आहे.
देवदास महादेव तुपे वय 17, रा. पाणवन, ता. माण याने म्हसवड पोलीस ठाण्यात दिलेल्या फिर्यादीत म्हटले आहे की, शनिवार सकाळी 9 वाजताच्या सुमारास पाणवन (ता. माण) गावच्या हद्दीत महालक्ष्मी खताच्या दुकानासमोर माझी आई शाहिदा हिने गुरांसाठी कडवळ घेण्यासाठी अगोदर दिलेले पैसे देवदास रोहिदास नरऴे यास परत मागितले असता त्याचा राग मनात धरुन देवदास नरऴे, पिंटु उर्फ शाताराम नरळे, संतोष नरळे व जनाप्पा शिंदे यांनी आपसात संगनमत करून आमची जात मातंग असल्याचे माहित असूनही त्यांनी माझी आई शाहिदा हीस पिंटु उर्फ शाताराम नरळे याने उसाने, जनाप्पा विठ्ठल शिंदे यांने काठीने मारहाण केली. तसेच देवदास नरऴे व संतोष नरऴे याने माझे आईचे डोक्याचे केस धरुन फरपटत रस्त्यावर आणून तिच्या अंगाशी झोंबाझोंब केली. मलाही चौघांनी हाताने व लाथाबुक्याने मारहाण करून तिचे मनास लज्जा निर्माण होईल, असे कृत्य करून “या मांगाट्यांना लय मस्ती आलीय, त्यांना गावातून हकलून बाहेर काढू” असे म्हणून धमकी दिली.’ या घटनेविरोधात रात्री म्हसवड पोलीस ठाण्यात गुन्हा दाखल झाला आहे.
या गुन्ह्याच्या घटनेनंतर पाणवन इथे कायदा व सुव्यवस्था राखण्यासाठी दहिवडी व वडूज विभागाचे उपविगीय पोलीस अधिकारी यांनी घटनास्थळी भेट दिली. त्यांच्या मार्गदर्शनाखाली तपास सहायक पोलीस निरीक्षक राजकुमार भुजबळ करीत आहेत.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
