संदिप सुरडकर, नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- येथून एक खळबळजनक घटना समोर आली आहे. येथून एका तरुणीवर ट्रक मध्ये सामूहिक बलात्कार झाल्याच्या घटनेने संपूर्ण नागपुर जिल्हा हादरला आहे. त्यामुळे महिला सुरक्षेचा प्रश्न पुन्हा ऐरणीवर आला आहे.
नागपुर शहरातील यशोधरा नगर येथून बेपत्ता झालेल्या 30 वर्षीय तरुणीवर दोन ट्रकचालकांनी ट्रकच्या केबिनमध्ये बलात्कार केला. ही घटना उघडकीस येऊ नये म्हणून या आरोपींनी तरुणीच्या डोक्यावर टाॅमीने सपासप वार करून तिची निर्घृण हत्या करण्यात आली. तरुणीवर अत्याचार आणि हत्या केल्याच्या आरोपावरून नागपुर ग्रामीण पोलिसांनी दोन ट्रक चालकांना अटक केली.
नागपुर शहरात 19 ऑगस्टला एक तरुणी बेपत्ता झाली होती. ही तरुणी मौद्यातील नावकार कंपनीजवळ पोहोचली. मध्यरात्री 3.00 वाजताच्या सुमारास ट्रकचालक आरोपी महेंद्र प्रभाकर मिसार वय 35, खेड, जि. चंद्रपूर आणि प्रशांत आनंद ताकतोडे वय 29 वर्ष, नागपरसोडी, जि. भंडारा यांना ती तरुणी रस्त्यावर फिरताना दिसली. दोघांनीही तरुणीला विचारणा करायला सुरुवात केली. यामुळे ही घाबरली. त्यानंतर या दोन नराधमांनी या तरुणीला उचलले आणि ट्रकच्या केबिनमध्ये कोंबले. त्यानंतर तिच्यावर दोघांनीही सामूहिक बलात्कार केला. पहाटेच्या सुमारास तरुणीला अस्ताव्यस्त अवस्थेत ट्रकखाली फेकले. यावेळी तरुणी जिवंत होती. ही तरुणी पोलिसात जाण्याची शक्यता असल्याने दोघांनीही टॉमीने तिच्या डोक्यावर जोरदार हल्ला करून तिची निर्घृण हत्या केली.
या घटनेची माहिती मिळताच घटनास्थळी पोलिस दाखल झाले आणि तपास सुरू केला आणि दोन आरोपीला पोलीस अधीक्षक विशाल आनंद, अप्पर अधीक्षक डॉ. संदीप पखाले यांच्या मार्गदर्शनात गुन्हे शाखेचे प्रमुख ओमप्रकाश कोकाटे, राजीव कर्मलवार यांच्या पथकाने आरोपींनी अटक केली.
