नितीन शिंदे, ठाणे महानगर प्रतिनिधी मोबा. 9892250402
महाराष्ट्र संदेश न्युज ! ऑनलाईन दिनांक 01 सप्टेंबर:- रोजी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार महाराष्ट्र राज्य यांच्या प्रमुख मार्गदर्शनाखाली महाराष्ट्र शासनाच्या दिव्यांग कल्याण विभाग दिव्यांगांच्या दारी या लाभ वाटप कार्यक्रमाअंतर्गत मिरा भाईंदर महानगरपालिका क्षेत्रातील दिव्यांग लाभार्थ्यांना मा. जिल्हाधिकारी श्री. अशोक शिनगारे यांच्या शुभहस्ते लाभ वाटप करण्यात आले.
दिव्यांग कल्याण विभाग दिव्यांगांच्या दारी ठाणे जिल्हास्तरीय लाभ वाटप कार्यक्रमासाठी मिरा भाईंदर महानगरपालिका क्षेत्रातील 150 दिव्यांगांसाठी विशेष मोफत बस सेवाचे नियोजन, पाणी व नाश्त्याची सेवा मा. आयुक्त तथा प्रशासक श्री. संजय श्रीपतराव काटकर (भा.प्र.से.) यांच्या निर्देशानुसार उपलब्ध करून देण्यात आली. दिनांक 01 सप्टेंबर 2023 रोजी ठाणे महानगर पालिका क्षेत्रातील गडकरी रंगायतन समोरील शिवसमर्थ शाळेतील मैदानात सदर कार्यक्रमाचे आयोजिन करण्यात आले होते. सदर ठिकाणी मिरा भाईंदर महानगरपालिकेचा स्वतंत्र 5X7 चा स्टॉल उभा करण्यात आला होता. त्याचबरोबर विविध महापालिका, नगरपरिषद, शाळा, सामाजिक संस्थांचे असे एकूण 42 स्टॉल उभारण्यात आले होते. मिरा भाईंदर महानगर पालिका क्षेत्रातील सीमा चौधरी, मितेश झा, रमेश मस्के, सुदाम अहिरे व बाबाजी भिसे या पाच दिव्यांग लाभार्थ्यांना मा. जिल्हाधिकारी श्री. अशोक शिनगारे यांच्या शुभहस्ते दिव्यांग पेन्शन योजनेचा धनादेश स्वरूपात लाभ वाटप करण्यात आले. सदर प्रसंगी समाजविकास विभाग अधिकारी दिपाली पोवार, माहिती व जनसंपर्क अधिकारी राज घरत, कार्यालयीन अधिक्षक जितेंद्र कांबळे व समाजविकास विभाग कर्मचारी उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
