अनिल अडकिने, सावनेर तालुका प्रतिनिधी.
सावनेर, दि.2सप्टेंबर:- नागपूर सावनेर मार्गावरील पाटण सावंगी जवळ वाकी येथे श्री. बाबा ताजुद्दीन औलिया यांचा सहामाही उर्स ३ सप्टेंबरला २०२२ साजरा करण्यात येत आहे. या उर्स मध्ये देशाच्या विविध भागातून असंख्य भाविक बाबांच्या दर्शनाकरिता येतात त्यामध्ये साधुसंत व फकीरांचा समावेश असतो.
राष्ट्रीय एकात्मता व अखंडता याचे प्रतीक बाबा ताजुद्दीन औलीया यांनी आपल्या जीवनातील १२ वर्षाचा जीवनकाळ वाकी येथे घालविला. त्यांच्या चरणस्पर्शाने वाकी नगरी पावन झालेली आहे. दरवर्षीप्रमाणे यावर्षी दुपारी २ वाजता काशिनाथ नाना डाहाके (पाटील) यांच्या वाकी गावातील वाड्यातून शाही संदल निघून सायंकाळी ६ वाजता वाकी दरबार येथे पोहोचेल. परंपरेनुसार वाकी शरीफ चे सज्जादा नशिन ज्ञानेश्वरराव डाहाके (पाटील) यांच्या हस्ते झेंडावंदन होईल. यावेळी माजी कॅबिनेट मंत्री सुनीलबाबू केदार व ताजआबाद शरीफचे चेअरमन प्यारे जिया खान प्रामुख्याने उपस्थित राहणार आहेत मुख्य पाहुण्यांच्या हस्ते बाबांना चादर चढविण्यात येऊन उर्साला प्रारंभ होईल. आलेल्या मान्यवरांचे स्वागत समारंभ होईल. त्यानंतर महाप्रसाद वितरण करण्यात येईल. रात्री ९ वाजता मिलाद व १० वाजता कव्वालीचा कार्यक्रम.४ सप्टेंबरला सकाळी १० वाजता कुल शरीफच्या कार्यक्रमानंतर उर्स समाप्त होईल. या उर्साच्या कार्यक्रमाला भाविकांनी मोठ्या संख्येने सहभागी व्हावे असे आवाहन वाकी शरीफ चे सज्जादा नशिन तसेच ट्रस्ट चे अध्यक्ष प्रभाकरराव डाहाके (पाटील).
सचिव ज्ञानेश्वरराव डाहाके, विश्वस्त मधुकर टेकाडे, बाबुराव ताजने, सचिन डांगोरे यांनी केले आहे.
