रविंद्र भदर्गे, जालना उपजिल्हा प्रतिनिधी
महाराष्ट्र संदेश न्युज ! ऑनलाईन जालना:- राज्यात मराठा आरक्षण आंदोलन पेटल आहे. मराठा समाजाला आरक्षण मिळावे वेगवेगळ्या प्रकारे राजकीय पक्ष आणि नागरिक आंदोलन करत आहे, जालना जिल्हात मराठा आरक्षणा साठी आंदोलन करणाऱ्या नागरिकांवर पोलिसांनी मोठ्या प्रमाणात लाठीचार्ज केला होता. त्यामुळे राज्यात मोठ्या प्रमाणात संताप दिसून येत आहे.
पोलिसांनी मराठा समाजाच्या आंदोलनकर्त्यावर केलेल्या लाठीचार्ज करणाऱ्या पोलिसांवर गुन्हे दाखल करण्यात यावे, यासाठी जिल्हाधिकारी कार्यालयासमोर दुपारी १२ वाजेच्या दरम्यान ॲड. मारोती भाऊसाहेब वाडेकर यांनी अंगावर डिझेल ओतून घेत आत्मदहन करण्याचा प्रयत्न केला. त्यामुळे संपूर्ण जिल्हा प्रशासनात एकच खळबळ उडाली होती.
अंबड तालुक्यातील अंतरवाली सराटी येथे मराठा समाजाला आरक्षण मिळावे, या मागणीसाठी मनोज जरांगे हे गेल्या अकरा दिवसांपासून उपोषण करीत आहे. मात्र अद्याप प्रशासनाच्या वतीने कुठलाही निर्णय झालेला नाही. सरकारने त्यांच्या मागण्या मान्य कराव्यात. शिवाय, लाठीचार्ज करणाऱ्या पोलिसांवर गुन्हे दाखल करावे, अशी मागणी करत संतप्त मारोती भाऊसाहेब वाडेकर यांनी अखेर टोकाचे पाऊल उचलत अंगावर डिझेल ओतून घेत आत्मदहनाचा प्रयत्न केला. यावेळी पोलिसांनी वेळीच हस्तक्षेप करून त्यांना आवरल्याने मोठा अनर्थ टळला. या प्रकरणी गुन्हा दाखल करण्याची प्रक्रिया सुरू होती. यावेळी पोलिसांची उपस्थिती होती.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
