संदीप सुरडकर, नागपूर जिल्हा प्रतिनिधी
महाराष्ट्र संदेश न्यूज ! ऑनलाईन नागपूर:- गणपति सण अगदी काही दिवसांवर येऊन ठेपला आहे. यंदा पर्यावरण पूरक गणेश उत्सव साजरा करण्यात यावा म्हणून नागपुर महानगर पालिकेच्या वतीने आव्हान करण्यात आले आहे. त्यात पीओपी पासून बनवण्यात आलेल्या मूर्तींना प्रतिबंध करण्यात आला आहे.
त्यामुळे पीओपी मूर्तीच्या विरोधात नागपूर महानगर पालिकेने कठोर कारवाई सुरू केली असून या कारवाईला गती दिली आहे. मंगळवारी 12 सप्टेंबर रोजी झालेल्या विविध कारवाई 103 पीओपी च्या मूर्ती जप्त करण्यात आल्या. तसेंच या कारवाईत 1 लाख 40 हजार रुपये दंड वसूल करण्यात आला. मनपा आयुक्त तथा प्रशासक डॉ. अभिजीत चौधरी यांच्या मार्गदर्शनात व पोलीस उपयुक्त श्रेता खेडीकर यांच्या सहकार्याने ही कारवाई करण्यात आली.
प्रतिबंधित पीओपी मूर्तिच्या विक्रीवर आळा बसावा या दृष्टीने नागपूर महानगरपालिकेने मूर्ती विक्री स्थळांची तपासणी मोहीम सुरू केली आहे. मनपाचे घनकचरा व्यवस्थापक विभागाचे आयुक्त डॉ. गजेंद्र मारले यांच्या नेतृत्वात उपद्रव पथकाचे जवान, पारंपरिक मूर्तिकार संघाचें प्रतिनिधी व पोलीस विभाग त्यांच्याद्वारे संयुक्त रित्या मूर्ती तपासणी मोहीम राबविण्यात येत आहे. पारंपरिक मूर्तिकार संघाचा प्रतिनिधीकडून मूर्तीची तपासणी करून ती मातीची अथवा पीओपी ची असल्याची शहानिशा केली जाते. पीओपीच्या मूर्ती आढळल्यास कारण मूर्ती जप्त करून तात्काळ दहा हजार रुपयाचा दंड कारवाईत करण्यात आला आहे.
या अंतर्गत मंगळवारी टेलिफोन एक्सचेंज चौक, भावसार चौक, चितारओळी या भागातील मूर्तींची तपासणी करण्यात आली. यामध्ये 14 ठिकाणी पीओपी ची मूर्ती फ्री होत असल्याचे दिसून आले. या सर्व विक्रेत्यावर कारवाई करीत एकूण 103 मूर्ती जप्त करण्यात आल्या व प्रत्येकी 10 हजार रुपये प्रमाणे 1 लाख 40 हजार रुपये दंड वसूल करण्यात आला. स्वच्छता विभागाने विभागीय अधिकारी रोहिदास राठोड, गांधीबाग झोनचे सुरेश खरे, नव किसन शेंडे, लोकेश बासलवार, आशी नगर झोनचे रोशन जांभुळकर, उपद्रव शोध पथक सिविल चे संजय खंडारे, गणेश पेठ पोलीस ठाण्याचे सहाय्यक पोलीस निरीक्षक महेंद्र आंबोरे यांच्यासह ही धडक कारवाई केली.
यावेळी पारंपरिक मूर्तिकार श्री सुरेश पाठक व श्री चंदन प्रजापती प्रामुख्याने उपस्थित होते. यांच्यावर झाली कारवाई. ज्योती गणेश भंडार भावसार चौक (१४ मूर्ती), भावसार मंदिर भावसार चौक (१४ मूर्ती), लोणारे मूर्ती भंडार भावसार चौक (१४ मूर्ती) शाहू मूर्ती भंडार चितारओळी महाल (४ मूर्ती), सोनू मूर्ती भंडार चितारओळी महाल (३ मूर्ती), पंजाब लोणारे भावसार चौक (९ मूर्ती), स्वामी मूर्ती भंडार भावसार चौक (५ मूर्ती), विनोद गुप्ता भावसार चौक (३ मूर्ती), चहांदे मूर्ती भंडार न्यू पोलीस स्टेशन पाचपावली (५ मूर्ती) जप्त करून त्याच्या कडून दंड वसूल करण्यात आला.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
