राहुल मसुरे जिवती तालुका प्रतिनिधी
महाराष्ट्र संदेश न्युज ! ऑनलाईन जिवती:- जिवती तालुका अतिदुर्गम आदिवासी डोंगराळ भाग असुन येथील शेती कोरडवाहू क्षेत्र असल्याने शेतकऱ्यांना एकदाच पीक घेता येते दुमार पीक घेण्यासाठी मुबलक पाण्याची सोय नसल्याने कोरडवाहू शेती करुन तालुक्यातील शेतकरी उदरनिर्वाह भागविता अशातच तालुक्यातील शेतकरी पेरणी करण्यासाठी बी बियाणे खते औषधी घेण्यासाठी पीक कर्जासाठी भारतीय स्टेट बँक शाखा पाटण येथे अर्ज करून सुध्दा आज पर्यंत काही शेतकऱ्यांना पीक कर्ज मंजूर झाले नाही दररोज अर्जदार शेतकऱ्यांना बॅंकेचे चकरा माराव्या लागत आहे. बॅंकेचे उंबरठे झिजवावे लागत आहे.
यावेळी अर्जदार शेतकरी बॅंकेत पीक कर्ज मंजूर झाले का विचारले तर उडवाउडवीची उत्तरे देत आहेत बॅंकेच्या वतीने पीक कर्जाची फाईल तहसील कार्यालयात तपासणीसाठी पाठविण्यात येते तहसील कार्यालयातून तपासणी झाल्यानंतर परत बॅंकेला पाठविण्यात येते परंतु बॅंकेचे मॅनेजर पीक कर्जाची फाईल तपासणी करण्याऱ्या अधिकारी ला चॅंलेज करत आहेत कर्जासाठी दिलेले कागदपत्रे बोगस आहे. एका प्रकारे महसूल विभागाला आव्हान देत आहे. ज्या शेतकऱ्यांनी पीक कर्ज भरला नाही त्या शेतकऱ्यांनच्या बॅंक खात्यावर होल्ड लावण्यात आले आहेत. होल्ड लावण्यात आलेल्या खात्यावर पीएम किसान योजना, संजय गांधी निराधार योजना, श्रावणबाळ योजना, दिव्यांग योजना, घरकुल योजना अश्या अनेक योजनेचे निधी जमा होत असून खात्यावर होल्ड लावण्यात आल्यामुळे खात्यातून रक्कम काढता येत नाही आहे आणि इतरही आर्थिक व्यवहार सुध्दा करता येत नसल्याने दिनांक ११ संप्टेबर २०२३ रोजी तहसीलदार जिवती व मॅनेजर भारतीय स्टेट बँक पाटण यांना शेतकरी संघटना तसेच विदर्भ राज्य आंदोलन समिती जिवतीच्या वतीने निवेदन देण्यात आले.
या निवेदनाद्वारे मागणी करण्यात आली आहे की शेतकऱ्यांना पीककर्ज तात्काळ मंजूर करून शेतकऱ्यांनच्या खात्यावर रक्कम जमा करावी आणि बॅंक खात्यावर होल्ड लावण्यात आले आहेत तात्काळ हटविण्यात यावे अशी मागणी करण्यात आली. या मागण्या पूर्ण नाही झाल्यावर दिनांक १८ सप्टेंबर रोजी ठिक दुपारी १२ वाजता बॅंकेच्या समोर अर्धनग्न आंदोलन करण्यात येणार आहे असा इशारा निवेदनातून करण्यात आला.
हे निवेदन देताना सय्यद शब्बीर जागीरदार शेतकरी संघटना तालुकाप्रमुख, नरसिंग हामणे उपसरपंच ग्रामपंचायत शेणगाव, विनोद पवार तालुका उपाध्यक्ष, रामेश्वर नामपल्ले युवा आघाडी तालुकाध्यक्ष, लक्ष्मण पवार युवा आघाडी तालुकासचिव, सुधाम राठोड विदर्भ राज्य आंदोलन समिती व इतर पदाधिकारी उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
