संदीप सुरडकर, जिल्हा नागपूर प्रतिनिधी
महाराष्ट्र संदेश न्यूज! ऑनलाईन नागपूर:- डायमंड एक्सेंज नावे सुरू असलेले ऑनलाइन गेमिंग ॲपच्या माध्यमातून कोट्यावधीची फसवणूक प्रकरणात आरोपी सोंटू जैनवर कारवाईचा फक्त आवळत चालला आहे. त्यामुळे सोंटू आणि त्याचे नातेवाईक गुन्हातून बाहेर येण्यासाठी धडपड करीत आहेत. तक्रारदार विक्रांत अग्रवाल यांना सोंटूची बहीण आस्था जैन, मैत्रिण रुबी जैन आणि विनय नावाच्या नातेवाईकाने तक्रार मागे घेण्यासाठी दबाव टाकून धमकी दिली. तसेंच तक्रारदार विक्रांत यांच्या कारला एका भरधाव कारने धडक मारली व त्यानंतर संबंधित कारचालक वाहणासह फरार झाला.
या प्रकरणात धंतोली पोलीस ठाण्यात गुन्हा दाखल झाला आहे. नागपुरातील व्यापारी विक्रांत अग्रवाल यांना ऑनलाईन गेमिंगच्या जाळ्यात ओढून त्यांनी ५८ कोटीनी फसवणूक करणाया सोंटू जैनविरोधात जुलै महिन्यात गुन्हा दाखल झाला होता. त्याअगोदर तो दुबईला निघून गेला होता. अटक टाळण्याचे बरेच प्रयत्न झाल्यावर सोंटू भरतात परतला व त्याची गुन्हे शाखेकडून चौकशी सुरु आहे. दरम्यान, तक्रार मागे घेण्यासाठी अग्रवाल यांच्यावर विविध माध्यमातून दबाव आणण्यात येत आहे.
सोमवारी ते गिटीखदान येथील गुन्हे शाखेच्या कार्यालयात गेले होते. तेथून त्यांना लक्ष्मी नगरला जायचे असल्यानें ते उडान पुलावरून रहाटे कॉलनी आले हो तिथून जनता चौकात रात्री दहा वाजता इंडिका कारणे मागून त्यांना धडक दिली. अपघातानंतर अग्रवाल यांच्या कारचे नुकसान झाले. कार चालक वेगाने फरार झाला.
सोंटू जैनच्या प्रकारणांशी संबंध असल्याने दुखापत करण्यासाठी ही धडक मारण्यात आल्याची शक्यता असल्याचा आरोप अग्रवाल यांनी केला आहे. त्यांनी धंतोली पोलीस ठाण्यात तक्रार केली व पोलिसांनी अज्ञात कार चालका विरोधात गुन्हा दाखल केला आहे. तसेच शांती नगरातील अनवेश उर्फ अभिनव नावाच्या मित्राला गुन्हे शाखेने ताब्यात घेतले. त्याच्या घरी पोलिसांनी छापा घातला.
