युवराज मेश्राम, विदर्भ ब्युरो चीफ (नागपुर)
महाराष्ट्र संदेश न्यूज ! ऑनलाईन नागपुर:- महाराष्ट्र अंधश्रद्धा निर्मूलन समिती कळमेश्वर च्या वतीने पूणे वरून आलेल्या अनिस जनसंवाद रथाचे भव्य स्वागत करण्यात आले. सर्व प्रथम संविधान निर्माते डॉ. बाबासाहेब आंबेडकर यांच्या पुतळ्यास म.अनिसच्या नंदिनी जाधव व प्रशांत पोतदार यांचें हस्ते पूष्पहार अर्पित करण्यात आले. त्या नंतर सकाळी 9 वाजता पी एब्लू एस महाविद्यालय कळमेश्वर येथे जनसंवाद रथाचे प्रस्थान होऊन प्राचार्य अजय चिकाटे सर यांचे अध्यक्षतेखाली कार्यक्रमाला सुरुवात झाली.
महाराष्ट्र नरबळी आणि इतर अमानुष अनिष्ठ व अघोरी प्रथा व जादूटोणा प्रतिबंध व उच्चाटन अशा 12 कायद्या चे मार्गदर्शन पर विश्लेषण नंदिनी जाधव यांनी प्रभावी पने सांगितले प्रशांत पोतदार व रणदिवे यांनी वैज्ञानिक प्रयोग करून ढोंगी बुवा व अंगात देवी आणणाऱ्या महीला समाजाला कसे फसवितात हे प्रात्यक्षिक करून दाखविले. या कार्यक्रमाचे संचालन प्रा.डॉ. राजेद्र कांबळे यांनी केले या कार्यक्रमात विद्यार्थी विद्यार्थिनींची मोठ्या प्रमाणात उपस्थिती होती.
यावेळी डॉ. हेमंतकुमार बागडे, प्रा.नारनवरे, डॉ. मंजुषा ढोबळे, प्रा. कापसे मॅडम, प्रा. गुप्ता मॅडम इत्यादींचा सहभाग लाभला. हा दिड तासांचा कार्यक्रम होउन त्या नंतर पोलिस स्टेशन येथील सभागृहात जनसंवाद रथाचे आगमन झाले. यावेळी कर्तव्यदक्ष पोलिस निरीक्षक सोलसे यांच्या मार्गदर्शनात नंदिनी जाधव व प्रशांत पोतदार यांनी नरबळी व इतर अमानुष अनिष्ठ व अघोरी प्रथा या वर प्रतिबंध कायद्याची माहिती दिली. पोलिस उपनिरीक्षक प्रियंका गेडाम यांचे अध्यक्षतेखाली हा दिड तासाचा कार्यक्रम घेण्यात आला होता. या कार्यक्रमाचे सुत्रसंचलन गायक अरुणभाऊ सहारे यांनी केले या कार्यक्रमात पोलीस कर्मचारी होमगार्ड व स्थानिक नागरिकांची चांगलीं उपस्थिती होती. या कार्यक्रमाचे आभार सचिन काळे यांनी मानले एलआयबी चे भोयर व शुभम यांचे कार्यक्रमाला सहकार्य लाभले.
त्या नंतर हा जनसंवाद रथ केझेड एस विज्ञान महाविद्यालयात दुपारी 12 वाजता दाखल झाला. तेथील सभागृहात प्राचार्य आनंद तिखे सर यांचे अध्यक्षतेखाली कार्यक्रम होउन पूणे येथील अंनिसच्या नंदिनी जाधव व प्रशांत पोतदार आणि रणदिवे यांनी अनिष्ट प्रथा नरबळी व अघोरी प्रथा जादूटोणा प्रतिबंध उच्चाटन कायद्या ची सविस्तर माहिती दिली. गायक अरूणभाऊ सहारे यांनी अंधश्रद्धे वरील दमदार प्रबोधन गीत सादर करून कार्यक्रमात रंगत आणली.
या तिन्ही कार्यक्रमात महाराष्ट्र अनिस चे कळमेश्वर येथील पदाधिकारी अध्यक्ष डॉ. उपेन्द्र महात्मे, उपाध्यक्ष डॉ.राजेंद्र ढवळे, कार्याध्यक्ष गायक अरुणभाऊ सहारे, महासचिव अरूण वाहाणे, सहसचिव गंगाधर नागपूरे, सांस्कृतिक विभाग सचिन काळे, मिडिया विभाग युवराज मेश्राम व राजेश श्रीखंडे, कायदेशीर सल्लागार अँड. हर्षल यावलकर, स्वागत विभाग गौतम जांभुळकर, शिक्षण विभाग राहुल वानखेडे, बुवाबाजी विभाग दिपक मेश्राम, पोलिस पाटील पिंटू निंबाळकर इत्यादी कार्यकत्यांनी अथक परिश्रम करून या तीनही ठिकाणचे कार्यक्रम यशस्वी रित्या पार पडले.
आपल्या परिसरातील बातम्या करीता आजच संपर्क साधावा प्रशांत जगताप संपादक मोबा. 9766445348
