पल्लवी मेश्राम, नागपुर शहर प्रतिनिधी
महाराष्ट्र संदेश न्युज ! ऑनलाईन नागपूर:- शुक्रवारची रात्र नागपुरकरा साठी मोठी त्रास दायक ठरली, शुक्रवारी रात्रीच्या सुमारास ढगफुगी सारख्या झालेल्या पाऊसाने नागपुरात संपूर्ण जनजीवन विस्कळित झाले आहे. त्यात एक दुर्दैवी घटना समोर आली आहे. मुसळधार पावसाचे पाणी घरात शिरल्यामुळे 70 वर्षीय एका वृध्द महिलेचा मृत्यू झाला आहे. ही घटना गिटटीखदान हददीतील महेशनगर येथे घडली. मीरा कप्पूस्वामी असे मृतक महिलेचे नाव आहे.
शुक्रवारी मध्यरात्रीनंतर आलेल्या मुसळधार पावसाचे पाणी मिरा कप्पूस्वामी यांच्या घरात मोठ्या प्रमाणात शिरले. त्यावेळी त्या आजारी असल्यामुळे घरी झोपलेल्या होत्या. त्यांना पावसाचे पाणी घरी शिरत असल्याचे माहिती नव्हते. घरात शिरलेल्या पाण्यात बुडून त्यांचा मृत्यू झाला. शुक्रवारी सकाळी 6 वाजताच्या सुमारास त्या घरातील शिरलेल्या पाण्यावर तरंताना दिसून आल्या. त्यांना पोलिसांनी उपचाराकरिता मेयो हॉस्पिटलमध्ये नेले असता डॉक्टरांनी तपासून मृत घोषित केले.
याप्रकरणी फिर्यादी दिलीप जियालाल कनोजिया यांनी दिलेल्या सूचनेवरून गिट्टीखदान पोलिसांनी आकस्मिक मृत्यूची नोंद केली.
आपल्या परिसरातील बातम्या करीता आजच संपर्क साधावा 9766445348
