अनिल अडकिने सावनेर तालुका प्रतिनिधी
मो नं -9822724136
महाराष्ट्र संदेश न्युज ! ऑनलाईन सावनेर-26 सप्टेंबर:- वाघोडा येथील प्रसिद्ध गणपती मूर्तिकार डॉक्टर प्रशांत ढोके हे मागील अनेक वर्षांपासून मूर्ती बनवून विक्री करत असतात. ते सावनेर येथे गेल्या वीस वर्षापासून मूर्ती विक्रीचे दुकान लावत असून यावर्षी त्यांनी गणपती खरेदीवर लकी ड्रॉ कूपन योजना राबविली.
गणपती खरेदीवर लकी ड्रॉ मध्ये प्रथम बक्षीस अवि सेलुकर सावनेर यांना एक ग्रॅम सोन्याचे गणपती लॉकेटचे बक्षीस लागले तर दुसऱ्या क्रमांकाचे बक्षीस पंकज लारोकर मोहपा यांना अर्धा ग्रॅम सोन्याचे गणपती लॉकेटचे बक्षीस लागले. तर तिसरा लकी ड्रॉ विजेता सान्वी पटेल ह्या बालिकेला 10 ग्रॅम चांदीची गणपती मूर्ती मिळाली.
यावेळी हे बक्षीस वितरण सामाजिक कार्यकर्ते श्री.शांतारामजी ढोके यांच्या हस्ते करण्यात आले.
यावेळी प्रमुख उपस्थितीमध्ये किरण लाहबर, तरुण पारवे, नरेंद्र डेकाटे, तेजराम अंबरते, गौरव घोटेकर उपस्थित होते. लकी ड्रॉ भाविकांनी मोठ्या प्रमाणात प्रतिसाद दिला असून गणपती बाप्पाची कृपा आमच्यावर होणार असे समाधान व्यक्त केले.