मुकेश चौधरी, कार्यकारी संपादक
वर्धा,दि.४सप्टेंबर:- वर्धा जिल्हाचे जिल्हाधिकारी म्हणून नुकतेच रुजू झालेले राहुल कर्डीले यांची हिंगणघाट तालुक्यातील प्रसिध्द आजनसरा येथील संत भोजाजी महाराज देवस्थानाच्या वतीने अध्यक्ष डॉ. विजय पर्बंत व वणा नदी संवर्धन समितीचे अध्यक्ष रुपेश लाजुरकर यांनी भेट घेऊन सत्कार करण्यात आला.
श्री संत भोजाजी महाराज देवस्थान आजनसरा द्वारा संचालित निराधार वृद्धांच्या सेवेसाठी सुरु करण्यात आलेल्या आनंद आश्रम, प्रसादालय व महाराजांच्या पूजेसाठी वापरण्यात येणाऱ्या नारळ फुलांच्या निर्माल्यापासून तयार करण्यात येणाऱ्या धूपबत्ती प्रकल्प आणि लवकरच सुरु करण्यात येत असलेल्या आरोग्य सेवा केंद्राबद्दल माहिती देण्यात आली. यावेळी वारकरी संप्रदायाचे प्रतिक म्हणून मान्यता असणारे तुळशीचे रोपटे जिल्हाधिकारी राहुल कर्डीले यांना भेट देण्यात आले. तसेच हिंगणघाट शहरांची जिवनदायनी वणा नदी संवर्धन समितीचे अध्यक्ष रुपेश लाजूरकर व देवस्थान कमिटीचे अध्यक्ष डॉ. विजय पर्बत यांनी गेल्या महिन्यात झालेल्या महापुरामुळे देवस्थानचे अतोनात नुकसान झाले होते, त्याबद्दल सविस्तर चर्चा करून आजनसरा येथे भेटीचे निमंत्रण देण्यात आले.
या प्रसंगी केंद्रीय मंत्री नितिन गडकरी यांच्या पत्रानुसार केंद्रीय पर्यटन मंत्री यांचा सकारात्मक पत्राचार व मार्गदर्शनानुसार केंद्रीय पर्यटन विभागात समावेश करण्यसाठी विकास आराखडा तसेच महाराष्ट्र शासनाकडुन केंद्राकडे शिफारस करण्यची विनंती अध्यक्ष डॉ. पर्बत यांनी केली त्यामुळे जिल्हाधिकारी कर्डिले यांनी 1सप्टेंबर ला हिंगणघाट येथे आले असताना आमदार समीर कुनावार यांच्या नेतृत्वात सदर पर्यटन तीर्थक्षेत्राबद्दल उपविभागीय अधिकारी हिंगनघाट यांच्या कार्यालयात चर्चा करण्यात आली.
हिंगणघाट तालुक्यातील भोजाजी महाराजांचे देवस्थान हज़ारों भाविकांच्या श्रद्धेचे आणि आस्थेचे स्थळ असल्यामुळे आपण पुढाकार घेऊन विकास आरखड़ा त्वरित तयार करुण भाविक भक्तांच्या सुविधेसाठी अदध्यावत बांधकाम तसेच विकास व्हावा यासाठी शासनाकडे आग्रही मागणी करणार असल्याचे संगितले, यावेळी आमदार समीर कुणावार जिल्हाधिकारी राहुल कर्डीले, जिल्हा परीषदेचे मुख्य कार्यकारी अधिकारी सचिन ओम्बासे, उपविभागीय अधिकारी सोनोने अध्यक्ष डॉ. विजय पर्बत, गटविकास अधिकारी मोहोड, जिल्हापरिषदचे माजी अध्यक्ष नितिन मडवी,आर पी आय चे नेते शंकर मुंजेवार यांची उपस्थिती होती.
