संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- शहरातून एक संतापजनक घटना समोर आली आहे. येथे एका बांधकाम सुरू असलेल्या इमारतीत राहणाऱ्या एका मजुराच्या अल्पवयीन मुलीवर सोबत काम करणाऱ्या एका नराधम मजुराने अत्याचार करण्याचा प्रयत्न केला. मुलीचे आई – वडील आणि इतरांनी मिळून आरोपीला पकडले. त्याला चांगला चोप दिला त्यानंतर यांनी याला पोलिसांच्या स्वाधिन केले. ही घटना समोर येताच परिसरात एकच खळबळ उडाली.
ही संतापजनक घटना नागपुर शहरातील गिट्टीखदान पोलिस स्टेशनच्या हद्दीत घडली. पोलिसांनी पीडित मुलीच्या तक्रारीवरून गुन्हा दाखल करून आरोपी लक्ष्मीप्रसाद अमृतसिंग उईके वय 32 वर्ष याला बेड्या ठोकल्या आहे.
आरोपी लक्ष्मीप्रसाद हा मुळचा कोरबा, छत्तीसगड येथील रहिवासी असून मजुरीचे काम करतो. पीडित 14 वर्षीय पीडितेचे आई-वडील ही छत्तीसगड येथीलच रहिवासी आहेत. गिट्टीखदान ठाण्यांतर्गत एका निर्माणाधीन इमारतीत काम करतात आणि तेथेच राहतात. आरोपी लक्ष्मीप्रसादही तेथेच राहतो. मंगळवारी पहाटे 5 वाजताच्या सुमारास पीडिता आई-वडिलांसोबत झोपलेली होती. या दरम्यान लक्ष्मीप्रसादने तिच्याशी अश्लील चाळे केले. विरोध केला असता जिवे मारण्याची धमकी दिली आणि बळजबरी करण्याचा प्रयत्न करू लागला. पीडितेने आरडा-ओरड करताच त्याने पळ काढला. सायंकाळी 7 वाजताच्या सुमारास तो पुन्हा तेथे आला. पीडितेकडे अश्लील नजरेने पाहू लागला. तिने आई-वडिलांना घटनेची माहिती दिली. पीडितेचे वडील आणि इतर मजुरांनी त्याला पकडून चांगला चोप दिला. घटनेची माहिती पोलिसांना देण्यात आली. पोलिसांनी विविध कलमान्वये गुन्हा नोंदवून लक्ष्मीप्रसादला अटक केली.
