राज शिर्के, मुंबई शहर प्रतिनिधी
महाराष्ट्र संदेश न्युज ! ऑनलाईन पालघर:- संपूर्ण राज्यात संताप व्यक्त करणारी सुन्न करणारी खळबळजनक घटना पालघर येथून समोर येत आहे. येथे दोन नराधम आरोपींनी मिळून एका अल्पवयीन दिव्यांग मुलीवर अत्याचार केला. आरोपीने मागील अनेक महिन्यांपासून तिच्यावर सतत अत्याचार करत होते. ही पीडिता सहा महिन्यांची गरोदर राहिल्यानंतर हा घटनेचा भांडाफोड झाला.
पालघरच्या येथील येणाऱ्या एक पोलीस स्टेशनच्या हद्दीत एका 14 वर्षाची दिव्यांग अल्पवयीन मुलीवर या दोन नराधमांनी मिळून अनेक वेळा शारीरिक अत्याचार केले. त्यात ती सहा महिन्यांची गर्भवती झाल्यानंतर हा धक्कादायक प्रकार उघडकीस आला आहे. ही घटना समोर येताच आई वडिलांचा पायाखालची जमीन सरकली.
पीडितेच्या नातेवाईकांनी दिलेल्या फिर्यादीनंतर, पोलीस स्टेशन येथे दोन नराधम आरोपीं विरोधात भारतीय दंड संहिता कलम 376 आणि पोक्सोसह इतर विविध कलमां अंतर्गत गुन्हा दाखल करण्यात आला आहे.
अल्पवयीन मुलगी दिव्यांग असल्याचा फायदा घेऊन दोन्ही आरोपी पीडितेवर मागील अनेक महिन्यांपासून लैंगिक अत्याचार करत होते, अशी खळबळजनक माहिती समोर आलीय. अल्पवयीन मुलगी सहा महिन्यांची गरोदर राहिल्यानंतर हा सगळा प्रकार उघडकीस आला आहे.
याप्रकरणी पालघरचे पोलीस अधीक्षक बाळासाहेब पाटील यांच्या मार्गदर्शनाखाली पोलीस ठाण्याचे प्रभारी अधिकारी पोलीस निरीक्षक सतीश शिवरकर यांनी एका आरोपीला शीताफिने अटक केली आहे. दुसऱ्या आरोपीचा शोध सध्या पोलिसांकडून सुरू आहे. अटक केलेल्या आरोपीला न्यायालयात हजर केलं असता त्याला 7 दिवसांची पोलीस कोठडी सुनावण्यात आली आहे. या धक्कादायक प्रकारानंतर संबंधित परिसरातून संताप व्यक्त होतोय.
