वंचित बहुजन आघाडीचे सांगली मनपा क्षेत्र अध्यक्ष पै.आनंदसागर पुजारी यांचा सवाल
उषाताई कांबळे सांगली शहर प्रतिनिधी
महाराष्ट्र संदेश न्युज ! ऑनलाईन सांगली:- दि.15 फेब्रुवारी 2023 रोजी वसंतदादा शासकीय रुग्णालय सांगली येथे संदीप परशुराम बावीमनी या व्यक्तीचा उपचारादरम्यान मृत्यू झाल्याची घटना घडली होती ही घटना डॉक्टरांच्या हलगर्जी पणामुळे घडल्याचा आरोप पीडित व्यक्तीच्या कुटुंबीयांनी केला होता. अनेक वेळा सिव्हिल हॉस्पिटल व पोलीस स्टेशनमध्ये न्याय मागण्या साठी पीडित कुटुंब गेले असता उडवा उडवीची उत्तरे देऊन त्यांची दिशाभूल केली जात आहे.
स्थानिक पोलीस प्रशासन व दवाखाना प्रशासन हे न्याय देण्याच्या भूमिकेत नसल्याने पीडित कुटुंबाने वंचित बहुजन आघाडीचे सांगली मिरज कुपवाड शहर महानगरपालिका क्षेत्राध्यक्ष पै.आनंदसागर पुजारी यांच्याकडे मदत मागितली तात्काळ पै. आनंद सागर पुजारी यांनी अधिष्ठता डॉक्टर ननंदकर यांची भेट घेऊन या विषयावरती सखोल चर्चा केली व तात्काळ संबंधितांवर कारवाई झाली पाहिजे. पीडित कुटुंब हे घरातील कर्ता पुरुष गेल्यामुळे अतिशय वाईट परिस्थितीचा सामना करत आहे. मयत व्यक्तीची तीन लहान लहान मुले व पत्नी असा त्यांचं कुटुंब आहे या कुटुंबाला न्याय मिळाला पाहिजे अन्यथा वंचित बहुजन आघाडीच्या वतीने तीव्र भूमिका घेऊ असा इशारा पै. आनंदसागर पुजारी यांनी दिला.
यावेळी डॉ. ननंदकर यांनी 24 तासाच्या आत फॉरेन्सिक लॅबमध्ये रिपोर्ट मागून संबंधितांवर कारवाई करणार असल्याचे आश्वासन दिले आहे. यावेळी पंकज सावंत, स्वप्नील खांडेकर व पीडित कुटुंब या ठिकाणी उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 / 7385445348
