🖊️प्रविण जगताप, वर्धा उपजिल्हा प्रतिनिधी
मोबा. 9284981757
महाराष्ट्र संदेश न्यूज ! ऑनलाईन वर्धा, दि. 11:- जिल्हातील हिंगणघाट तालुक्यात मोठ्या प्रमाणात अवैध वाळू तस्करी सुरू आहे. त्यामुळे मोठ्या प्रमाणात शासनाचा महसूल बुडत आहे. आणि तस्कर मालामाल होत आहे. सर्व रेती बंद असताना पण शहरात सर्हास रेती उत्खनन वाहतूक सुरू आहे.
हिंगणघाटचे तहसीलदार सतीश मसाळ व नायब तहसीलदार सागर कांबळे यांना मिळालेल्या गुप्त माहितीच्या आधारे मौजा पारडी येथील रेती घाटावर धाड टाकून रेती वाहतूक करणाऱ्या दोन ट्रॅक्टरवर धडक कारवाई करण्यात आली. ट्रॅक्टर जमा करण्यात आले असून मालकांवर दंड आकारण्यात आले आहे.
हिंगणघाट तहसीलदार सतिश मसाळ यांना रेतीचे अवैध उत्खनन करुन ट्रॅक्टरद्वारे वाहतूक होत असल्याची गोपनीय माहिती प्राप्त झाली होती. या माहितीच्या आधारे तहसीलदारांनी धडक कारवाईचे नियोजन केले. कारवाई पथक रेतीघाट परिसरात पोहोचल्यानंतर अवैधपणे रेतीचे उत्खनन करुन रेतीची वाहतूक करतांना दोन ट्रॅक्टर आढळून आले. तहसील कार्यालयामध्ये हे दोनही ट्रॅक्टर जमा करण्यात आले आहे.
ट्रॅक्टर मालकांची नावे मनोज सायंकार व सोनू गवळी अशी आहे. या ट्रॅक्टर मालकांकडून प्रत्येकी 1 लक्ष 23 हजार 100 रुपये असा एकूण 2 लक्ष 46 हजार 200 रुपये इतका दंड आकारण्यात आला असल्याची माहिती तहसीलदार मसाळ यांनी दिली.
रेतीचे अवैध उत्खनन व वाहतूक गुन्हा असून याविरोधात कारवाई केली जात आहे. त्यासाठी तालुक्यात धडक मोहीम राबविण्यात येत आहे. नागरिकांना असे उत्खनन व वाहतूक होत असल्याचे निदर्शनास आल्यास माहिती देण्याचे आवाहन करण्यात आले आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 7385445348
