संदिप सुरडकर, नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- येथून एक खळबळजनक घटना समोर आली आहे. येथे दारू आणि व्यसनाच्या आहारी गेलेल्या एका मुलाने आपल्याच जन्मदात्या आईची निर्घृण हत्या केली आहे. ही खळबळजनक घटना दिनांक 19 रात्री हुडकेश्वर येथील श्री संत गजानन महाराजनगरात उघडकीस आली. याप्रकरणी पोलिसांनी गुन्हा दाखल करीत आरोपीला अटक केली.
या नराधमाने आपल्याच आईला मोबाईल विकण्यासाठी मागितला तिने मोबाईल देण्यास नकार दिल्याने संतापाच्या भरात तिचा रुमालाने गळा आवळून हत्या करण्यात आली. रामनाथ गुलाबराव बडवाईक वय 28 वर्ष असे आरोपी मुलाचे नाव असून कमला गुलाबराव बडवाईक वय 47 वर्ष असे मृत आईचे नाव आहे.
पोलिसांनी दिलेल्या माहितीनुसार, कमला यांना तीन मुले आहेत. त्यापैकी मोठा मुलगा पत्नीसह मध्यप्रदेशात राहतो. लहान मुलगा दीपक हा पत्नीसह मनिषनगरात राहतो. आपला मोबाईल देण्यास नकार दिला. त्यामुळे त्याने रागाचा भारात तिला ढकलले आणि ती खाली पडताच, खिशातून रुमाल काढून तिची हत्या केली. त्यानंतर नातेवाइकांसह भावांना आईची प्रकृती बिघडल्याने तिचा मृत्यू झाल्याचे त्याने सांगितले. मात्र, लहान भाऊ दीपक याला संशय आल्याने त्याने याबाबत हुडकेश्वर पोलिसांना गुरुवारी माहिती दिली. पोलिस निरीक्षक प्रशांत माने यांच्यासह ताफा घरी पोहोचून त्यांनी कमला यांच्या मृतदेह उत्तरीय तपासणीसाठी पाठवला. शवविच्छेदन अहवालात गळा आवळून हत्या केल्याची माहिती समोर येताच, रामनाथ याला पोलिसांनी अटक केली. त्यानंतर पोलिसी खाक्या दाखविल्यावर त्याने हत्येची कबुली दिली.
आरोपी रामनाथ हा व्यसनी असल्याने तो त्यासाठी काहीही करू शकतो, याचा अंदाज लहान भाऊ दीपक याला असल्याने त्याने घरी जाताच, हातपाय कडक होत असल्याने तेल आणि कापूर लावण्यासाठी बारकाईने बघितले. त्यावेळी तिच्या गळ्यावर जखम, अंगठ्याला निळी शाई आणि पायालाही जखम झाल्याचे दिसल्याने त्याने पोलिस ठाणे गाठून आईच्या हत्येची शंका व्यक्त केली. त्यावरून पोलिसांनी शवविच्छेदन करण्याचे ठरविले. त्यानंतर हत्येचा खुलासा झाला.
