रविंद्र भदर्गे, जालना उपजिल्हा प्रतिनिधी
महाराष्ट्र संदेश न्युज ! ऑनलाईन मंठा:- तालुक्यातून एक खळबळजनक घटना समोर आली आहे. येथे एका बौध्द समाजाच्या कुटुंबावर काही जातीवादी मानसिकतेच्या लोकांनी जातीवादी शिवीगाळ करून मारहाण केली. त्यामुळे त्यांना रुग्णालयात दाखल करण्यात आले आहे. ही घटना धम्मचक्र परिवर्तन दिनाचा दिवशी घडली आहे. त्यामुळे मोठ्या प्रमाणात संताप व्यक्त करण्यात येत आहे.
प्राप्त माहितीनुसार, मंठा तालुक्यातील किर्तापुर येथील शिक्षक आनंद सकलाल खरात हे दि.१४ ऑक्टोंबर रोजी ११:३० वाजेच्या सुमारास आपल्या परिवारासोबत गट नंबर 197 ह्या शेतात आजी आजोबांच्या समाधीस्थळी धम्मचक्र परिवर्तन दिनानिमित्त गेले असता वंदनेचा कार्यक्रम चालू होता त्यावेळेस समाधी स्थळाच्या पाठीमागून येऊन आजी आजोबाच्या समाधी स्थळावर आरोपी रमेश सुभाष काळे यांनी लघुशंका केली वंदना संपल्यानंतर उपस्थित खरात कुटुंबीयांनी आरोपीला अमानवीय कृत्याबाबत विचारपूस केली असता हा काय प्रकार आहे का विनाकारण आम्हाला त्रास देत आहात असे विचारत असताना त्यावेळेस आरोपी अंजनाबाई काळे म्हणाल्या की ही जमीन माझ्या मुलाने घेतली आहे. असे सांगत होत्या.
त्यानंतर लगेच आनंद सकलाल खरात याच्या भावजईच्या अंगावर आरोपी रमेश काळे, गणेश सुभाष काळे हे धावून आले व जातिवाचक शिवीगाळ करून मारहाण करू लागले. येथे काय काम महारा, मांगाचे आहे असे म्हणून शिवीगाळ करू लागले त्यातील आरोपी रमेश सुभाष काळे, सुभाष काळे यांनी त्याच्या हातातील काठीने आनंद सकलाल खरात यांच्या उजव्या पायावर व पाठीवर मारून खाली पाडले त्यानंतर गणेश सुभाष काळे यांनी लाथा बुक्यांनी मारहाण केली. दत्ता पोटे यांनी पण काठीने मारहाण केले त्यानंतर माझी आई गिताबाई खरात यांच्या मांडीवर अंजनाबाई काळे लोखंडी पाईपने मारहाण केली. वडील सकलाल खरात, भावजय छाया खरात यांना रमेश सुभाष काळे गणेश काळे यांनी हातावर पायावर काठीने वार केले. आनंद याचा भाचा कुलभूषण राजेंद्र मस्के यास पांडुरंग दत्ता पोटे यांनी लाथा बुक्क्याने मारहाण केली.
हे सर्व सरू असताना पिढीत कुटुंब हे आपला जीव वाचविण्यासाठी घराकडे पळत असताना रस्त्यावर त्याच्या शेतात धर धरून बसलेले विलास भाऊराव काळे, विश्वनाथ काळे, सुभाष काळे, संगीता काळे, मंगल काळे, पल्लवी काळे, गणेश काळे यांनी पण जातीवाचक शिवीगाळ करून जिवेमारण्याची धमकी दिली.
सदरील प्रकरण गट नंबर १९७ मध्ये आठ एकर जमीन असून सदर जमिनीचा वाद मंठा दिवाणी कोर्टात चालू आहे सदर जागेवर आनंदा यांच्या आजी आजोबाची समाधी स्थळ असून तिथे हा प्रकार घडला त्यानंतर आम्ही सर्वजण ग्रामीण रुग्णालय मंठा येथे उपचारासाठी गेलो असता आनंदा खरात, छाया खरात, अंबादास खरात यांना जालना येथे रेफर करण्यात आले उपचार घेऊन आज दिनांक १९ ऑक्टोंबर गुरुवारी रोजी मंठा पोलीस स्टेशन मध्ये गणेश सुभाष काळे, अंजनाबाई सुभाष काळे, सुभाष काळे, रमेश सुभाष काळे, मिनाबाई दत्ता पोटे, पांडुरंग दत्ता पोटे, दत्ता बाबासाहेब पोटे, विलास भाऊराव काळे, विश्वनाथ भाऊराव काळे, भाऊराव सुभाष काळे, संगीता काळे, मंगल काळे, पल्लवी काळे, राहणार सर्व कीर्तपुर येथील रहिवासी असून जातीवादी केल्याप्रकरणी जातीवाचक शिवीगाळ केल्याप्रकरणी अट्रॉसिटी कायदा अंतर्गत गुन्हा दाखल करण्यात आला तपास पोलीस करीत आहेत.
