हनिशा दुधे, चंद्रपूर जिल्हा ग्रामीण प्रतिनिधि
महाराष्ट्र संदेश न्युज ! ऑनलाईन चंद्रपूर:- महाराष्ट्र राज्य विधानसभेचे विरोधी पक्षनेते आणि काँगेस पक्षाचे नेते विजय वडेट्टीवार यांना जीवे मारण्याची धमकी देण्यात आलीय. विजय वडेट्टीवारांच्या मोबाईलवर त्यांना धमकीचा मॅसेज आलाय. त्यामुळे एकच खळबळ उडाली आहे.
विरोधी पक्षनेते असलेले विजय वडेट्टीवार यांनी मराठा आरक्षण संबंधी भूमिका मांडताना मराठा समाजाला ओबीसी मधून आरक्षण देऊ नये अशी भूमिका मांडली त्यामुळे ही धमकी आली अशी प्राथमिक माहिती समोर येत आहे.
विरोधी पक्षनेते विजय वडेट्टीवार यांना जीवे मारण्याची धमकी देण्यात आलीय. वडेट्टीवारांच्या मोबाईलवर त्यांना धमकीचा मॅसेज आलाय. याबाबत विजय वडेट्टीवारांनी मुख्यमंत्र्यांना पत्र लिहलं असून त्यांच्या सुरक्षेत वाढ करण्याची मागणी केलीय.
सध्या राज्यात आरक्षण संघर्ष पेटला आहे. काही नेते मराठा आरक्षण आणि ओबीसी आरक्षण आपली भूमिका मांडत आहे. त्यात विजय वडेट्टीवारांनी ओबीसी समाजाला मिळालेले आरक्षणातून मराठा समाजाला आरक्षण देऊ नये अशी भूमिका घेतली असल्याने त्यांना ही धमकी देण्यात आली असल्याची प्राथमिक माहिती समोर आली आहे.
