हनिशा दुधे, चंद्रपूर जिल्हा ग्रामीण प्रतिनिधी
महाराष्ट्र संदेश न्युज ! ऑनलाईन चंद्रपूर:- जिल्हातील कोरपना तालुक्यांतील अल्ट्राटेक सिमेंट कंपनी विरोधात दत्तक गावातील सरपंच संघटनेचे बेमुदत उपोषण सुरू आहे. या पार्श्वभूमीवर अल्ट्राटेक सिमेंट कंपनी विविध मागण्यांबाबत तोडगा काढत नसल्याने अल्ट्राटेक सिमेंट कंपनीच्या अधिकार्यांना गावबंदी करण्याचा निर्णय दत्तक गाव सरपंच संघटनेने घेतला आहे. यामुळे हे आंदोलन अधिक चिघळण्याची चिन्हे निर्माण झाले आहे.
13 नोव्हेंबर पासून तीन दिवस सरपंच संघटनेने साखळी उपोषण केल्यानंतर अल्ट्राटेक सिमेंट कंपनी तोडगा काढत नसल्याने शेवटी सरपंच संघटनेचे पदाधिकारी रत्नाकर चटप व बाळकृष्ण काकडे यांनी बेमूदत उपोषण सुरू केले आहे. आता अल्ट्राटेक सिमेंट कंपनी वैयक्तिकरित्या सरपंचांना फोन करून दबावतंत्राचा वापर करीत असल्याची माहिती समोर आली आहे. त्यामुळे नागरिकांमध्ये कमालीचा रोष व्यक्त केला जात आहे. सरपंच संघटनेतर्फे कंपनी व प्रशासनाकडे मोठ्या प्रमाणात सीएसआर निधी द्यावा, गावातील पांदण रस्त्यांचे बांधकाम करावे, अल्ट्राटेक सिमेंट कंपनीतर्फे होत असलेली ‘लाईम स्टोन’ची वाहतूक थांबवावी, आयटीआय उत्तीर्ण बेरोजगारांना अप्रेंटिस करिता भरती प्रक्रिया सुरू करावी, सुशिक्षित बेरोजगारांना रोजगार द्यावा, गावागावात प्रदूषण संयंत्र बसवावे, अशा मागण्या करण्यात आल्या आहेत.
