पंकेश जाधव पुणे चिफ ब्युरो 7020794626
महाराष्ट्र संदेश न्युज ! ऑनलाईन पुणे:- येथील शिक्रापूर पोलीस ठाण्याच्या हद्दीत एक खळबळजनक घटना समोर आली आहे. येथे पोलीस अधिकारी व कर्मचारी पेट्रोलिंग करत असताना एक संशयित रिक्षाची चोरी करत होता. यावेळी रिक्षाचालकाने रिक्षासह पळून जाताना पोलीस हवालदाराला फरपटत नेले. त्यामुळे पोलीस हवालदार जखमी झाले आहेत. शंकर तानाजी साळुंके असे जखमी झालेल्या पोलीस हवालदाराचे नाव आहे.
शिक्रापूरचे पोलीस उपनिरीक्षक रज्जाक शेख व पोलीस हवालदार शंकर साळुंके हे पेट्रोलिंग करीत होते. रात्री अडीचच्या सुमारास शिक्रापुर- तळेगाव ढमढेरे रस्त्यावरील ओढ्याच्या कडेला उभी असलेली रिक्षा संशयास्पद आढळून आली. त्यावेळी साळुंके यांनी रिक्षाजवळ जाऊन चौकशी करण्याचा प्रयत्न केला असता रिक्षाचालक रिक्षा घेऊन पळून जाऊ लागला.
त्यावेळी शंकर साळुंके यांनी रिक्षाचालकाला पकडण्याचा प्रयत्न केला असता त्याने साळुंके यांना पुढे फरपटत नेले. याबाबत शंकर तानाजी साळुंके वय 44 वर्ष यांनी शिक्रापुर पोलीस ठाण्यात फिर्याद दिली आहे. पोलिसांनी उमेश सागर अडागळे वय 32 वर्ष रा. टाकळी भीमा ता. शिरुर या रिक्षाचालकावर गुन्हा दाखल करुन अटक केली आहे.
