नागपूर येथे संविधान दिनानिमित्त कपडे व इतर साहित्य वाटपाचा कार्यक्रम संपन्न.

विदर्भ मोलकरीण संघटना, बोधिसत्व महिला बहुउद्देशीय संस्था तसेच दि कंपॅशनकोर सोसायटी फॉर ह्यूमानिटी या संस्थेच्या वतीने अद्भुत उपक्रम.

प्रशांत जगताप संपादक मोबा 7385445348

महाराष्ट्र संदेश न्युज ! ऑनलाईन नागपूर:- दिनांक 26 नोव्हेंबर 2023, रविवार रोजी संविधान दिनानिमित्ताने आदिवासी प्रकाश नगर, कळमना, नागपूर परिसरातील गरजू लोकांना विदर्भ मोलकरीण संघटना, बोधिसत्व महिला बहुउद्देशीय संस्था तसेच दि कंपॅशनकोर सोसायटी फॉर ह्यूमानिटी या तिन्ही संस्थेच्या विद्यमाने कपडे व इतर साहित्य वाटपाचा कार्यक्रम पार पडला.

या कार्यक्रमाची सुरुवात तथागत गौतम बुद्ध व डॉ. बाबासाहेब आंबेडकर यांच्या प्रतिमेस माल्यार्पण करून झाली. कार्यक्रमातील पाहुण्यांचे स्वागत कुमुद ताई कांबळे त्यांनी म्हटलेल्या संविधान गीताने करण्यात आले. सदर कार्यक्रमाचे प्रास्ताविक प्रशिक भैसारे यांनी केले. या कार्यक्रमाच्या अध्यक्षस्थानी परिसरातील नगरसेविका सरिता कावरे, कार्यक्रमाला मुख्य वक्ता म्हणून सुजाताताई भोंगाडे तसेच विदर्भ मोलकरीण संघटनेचे ज्येष्ठ कार्यकर्ते विलासजी भोंगाडे सर यांनी संविधान दिनाच्या अनुषंगाने उपस्थित लोकांना महत्त्वाचे व मोलाचे मार्गदर्शन केले. या कार्यक्रमाचे आभार प्रीती नाकतोडे यांनी केले.

सदर कार्यक्रमाच्या पूर्णत्वाकरिता रोशनी गंभीर, वैशाली पाटील, अश्विनी अहिरकर, क्षितिज वालदे, प्राची भैसारे, दुर्गाताई मुंजेवार, रोशन पेटकर, सनी तेलंग, अनंता नागोसे, स्वातीताई राऊत, आरती बोरकर, अर्चना भगत, कुमुद कांबळे, अनिल गंभीर, अशोक कांबळे , अश्विनी सोमकुवर यांसह वरील तिन्ही संस्थेतील समस्त पदाधिकारी आणि सदस्यांनी मेहनत घेतली. तसेच वस्तीतील कार्यकर्त्या सुशीला बोंद्रे, वैष्णवी बावणे, सपना वानखेडे व परिसरातील इतर युवांनी अथक मेहनत घेतली.

आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 / 7385445348