प्रविण जगताप, वर्धा जिल्हा प्रतिनिधी
मो . 9284981757
महाराष्ट्र संदेश न्युज ! ऑनलाईन हिंगणघाट :- पंचमुखी हनुमान मंदिर देवस्थान शहालंगडीचे महंत श्री वासुदेव महाराज यांचे आज दुपारी 3 वाजताच्या सुमारास दीर्घ आजाराने निधन झाले. वासुदेव महाराज यांनी वयाच्या 70 व्या अखेरचा श्वास घेतला.
शहालंगडी देवस्थानाचे हे हिंगणघाट शहरातील एक प्रमुख देवस्थान असून वासुदेव महाराज हे मागील अनेक वर्षांपासून तिथे महंत म्हणून आपली सेवा देत होते. त्याच्या अचानक निधनाने त्याच्या भाविक भक्तात शोककळा पसरली आहे. त्यांचे पार्थिव शहालंगडी देवस्थान येथील मंदिराच्या सभागृहात भाविक भक्तांच्या दर्शनासाठी ठेवण्यात आलेले असून दि 30 नोव्हेबरला दुपारी 3 वाजता त्यांना या सभागृहातील श्री संत लहानुजी महाराज यांच्या मूर्तीच्या शेजारी त्यांना समाधी देण्यात येणार आहे.
संत वासुदेव महाराज हे तालुक्यातील चिकमोह या गावचे होते. या देवस्थानाचे तत्कालीन महंत श्री नागाबाबा यांनी त्यांच्या आई वडिलांच्या परवानगीने त्यांना शहालंगडी या ठिकाणी श्री वासुदेव महाराज यांच्या वयाच्या सहाव्या वर्षी आणले. संत नागाबाबा यांच्या निर्वाण नंतर ते या मंदिराचे महंत झाले. अंतिम श्वास घेत पर्यंत त्यांनी या मंदिराला एक उत्तम नावलौकिक मिळवून दिला होता.
त्यांच्या निधनाचे वृत्त कळताच त्यांच्या मोठ्या संख्येने असलेल्या भक्त परिवारावर मोठे दुःखाचे सावट निर्माण झाले असून त्यांचे अंतिम दर्शन घेण्यासाठी भाविकांची एकच गर्दी उसळलेली आहे.
