संतोष मेश्राम, राजुरा प्रतिनिधी मोबा.न.9923497800
महाराष्ट्र संदेश न्युज ! ऑनलाईन राजुरा :- राजुरा येथे ३० डिसेंबर रोजी विदर्भ राज्य आंदोलन समिती, शेतकरी संघटना, स्वतंत्र भारत पक्ष, तालुका जिवतीच्या वतीने स्थानिक बस टाॅप चौक येथे रास्ता रोको आंदोलन करण्यात आले. स्वतंत्र विदर्भाच्या मागणीसाठी 27 डिसेंबर पासून नागपूर येथील संविधान चौकात विदर्भवादी नेते, माजी आमदार ॲड. वामनराव चटप, देशौन्नतीचे संपादक प्रकाश पोहरे आणि सहकारी यांचे आमरण उपोषण सुरू आहे. या उपोषणाला पाठिंबा देण्यासाठी पंचायत समिती चौक राजुरा येथे रस्ता रोको आंदोलन करण्यात आले.
यावेळी शेतकरी संघटनेचे तालुका प्रमुख स्वतंत्र भारत पक्षाचे यांच्यासह शेतकरी संघटना, स्वतंत्र भारत पक्षाचे, विदर्भ राज्य आंदोलन समितीचे पदाधिकारी, कार्यकर्ते व विदर्भप्रेमी नागरिकांची मोठ्या संख्येने उपस्थिती होती. या आंदोलना दरम्यान कोणतेही अनुचित प्रकार घडू नये, यासाठी राजुरा पोलीस स्टेशनचे ठाणेदार यांच्या उपस्थितीत पोलीसांचा चोख बंदोबस्त ठेवला होता.
