हनिशा दुधे, चंद्रपूर जिल्हा ग्रामीण प्रतिनिधि
महाराष्ट्र संदेश न्युज ! ऑनलाईन चंद्रपूर:- जिल्हातील बल्लारपूर तालुका क्रीडा संकुल येथे मोठ्या उत्साहात 67 व्या राष्ट्रीय शालेय मैदानी क्रीडा स्पर्धा पार पडली. राष्ट्रीय शालेय मैदानी क्रीडा स्पर्धाचे चंद्रपूर जिल्हात यशस्वी आयोजन केल्याने एक नवीन अध्याय जोडला गेला.
पार पडलेल्या राष्ट्रीय शालेय मैदानी क्रीडा स्पर्धेत केरळचे वर्चस्व दिसून आले असून केरळ संघाने पदक तालिकेत अव्वल स्थान पटकाविले, तर महाराष्ट्र दुसऱ्या तर हरयाणा तिसरे स्थान प्राप्त केले आहे. राज्याचे सांस्कृतिक कार्य तथा वने, मत्स्य व्यवसाय मंत्री व चंद्रपूर जिल्ह्याचे पालकमंत्री सुधीर मुनगंटीवार यांच्या संकल्पनेतून बल्लारपूर तालुका क्रीडा संकूल येथे 67 व्या राष्ट्रीय शालेय मैदानी क्रीडा स्पर्धेचे यशस्वी आयोजन करण्यात आले आहे.
67 व्या राष्ट्रीय शालेय मैदानी क्रीडा स्पर्धेत केरळ संघाला 11 सुवर्ण, 5 रौप्य व 6 कास्य अशी एकूण 22 पदके घेऊन पहिला क्रमांक पटकावला तसेच 60 वैयक्तिक व 36 रिले मिळून 96 गुण मिळाले. महाराष्ट्राच्या संघाने 9 सुवर्ण, 3 रौप्य व 7 कास्य अशी एकूण 29 पदके जिंकून दुसरे स्थान पटकावले व 53 वैयक्तिक व 36 रिले असे एकूण 89 गुण मिळवले. तर हरियाणाच्या संघाने 6 सुवर्ण, 9 रौप्य व 1 कास्य पदकासह एकूण 16 पदकांची कमाई करत तिसरे स्थान प्राप्त केले यात हरयाणाच्या संघाला 55 वैयक्तिक व 6 रिले असे 61 गुण प्राप्त झाले.
राज्याचे वन, सांस्कृतिक कार्य, मत्स्यव्यवसाय मंत्री तथा जिल्ह्याचे पालकमंत्री यांच्या संकल्पनेतून प्रथमच तालुका स्तरावर राष्ट्रीय शालेय मैदानी क्रीडा स्पर्धेचे आयोजन करण्यात आले होते. स्पर्धेत एकूण 34 संघांनी सहभाग नोंदवला. त्यापैकी 11 संघांनी 40 सुवर्ण पदकांची कमाई केली तर 19 संघांनी पदकतालिकेत स्थान मिळवले. केरळ, महाराष्ट्र व हरयाणा यांच्यानंतर उत्तरप्रदेश 3 सुवर्ण, 5 रौप्य व 4 कास्य पदकासह एकूण 35 गुण, तामिळनाडू 2 सुवर्ण, 2 रौप्य व 6 कास्य पदकासह एकूण 24 गुण, राजस्थान 2 सुवर्ण, 2 रौप्य व 4 कास्य पदकासह एकूण 20 गुण, छत्तीसगड 2 सुवर्ण व 1 रौप्य पदकासह एकूण 23 गुण, भारतीय शालेय परिषद 2 सुवर्ण व १ कास्य पदकासह एकूण 11 गुण, मध्य प्रदेश 1 सुवर्ण व 2 रौप्य पदकासह एकूण 11कगुण, झारखंड 1 सुवर्ण व 1 कास्य पदकासह एकूण 6 गुण, लक्षद्विप 1 सुवर्ण पदकासह एकूण 5 गुण, कर्नाटक 6 रौप्य व 5 कास्य पदकासह एकूण 27 गुण, आंध्र प्रदेश 2 रौप्य व 1 कास्य पदकासह एकूण 4 गुण, तसेच केंद्रीय विद्यालय, उत्तराखंड, पश्चिम बंगाल व पंजाब यांनी प्रत्येकी 1 रौप्य पदकासह 3 गुण आणि दिल्ली व चंदीगड यांनी प्रत्येकी 1 कास्य पदकासह 1 – 1 गुण मिळवत पदक तालिकेत स्थान मिळवले आहे.
याशिवाय चंदिगड, बिहार, सीबीएससी वेलफेअर स्पोर्ट्स, दादरा व नगर हवेली, दव कॉलेज मॅनेजिंग, गोवा, गुजरात, हिमाचल प्रदेश, इंटरनॅशनल बोर्ड, आयपीएससी, जम्मू काश्मिर, नवोदय विद्यालय, ओडिशा, पद्दूचेरी, तेलंगणा व विद्या भारतीच्या संघांनीही या स्पर्धेत सहभाग नोंदविला आहे.
