मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- जिल्ह्याला औद्योगिक नकाशावर आणणारे, कोनसरी येथील लॉयड्स मेटल्स अ बनर्जी लिमीटेडचे व्यवस्थापकीय संचालक तथा त्रिवेणी अर्थमुव्हर्स प्रा. लि. चे संस्थापक बालसुब्रमण्यम प्रभाकरन यांना यावर्षीचा गडचिरोली जिल्हा गौरव पुरस्कार दिला जाणार आहे. गडचिरोली प्रेस क्लबच्या वतीने दरवर्षी जिल्ह्यासाठी योगदान देणाऱ्या व्यक्तीला जिल्हा गौरव पुरस्कार देऊन सन्मानित केले जाते.
६ जानेवारी २०२४ रोजी गडचिरोली जिल्हा मध्यवर्ती सहकारी बँकेच्या सभागृहात सायंकाळी ६ वाजता होणाऱ्या समारंभात हा पुरस्कार राज्याचे अन्न व औषध प्रशासन खात्याचे मंत्री धर्मरावबाबा आत्राम आणि ज्येष्ठ सहकार नेते अरविंद सावकार पोरेड्डीवार यांच्या हस्ते, तथ खासदार अशोक नेते, आ. डॉ. देवराव होळी, आ. कृष्णा गजबे यांच्या प्रमुख उपस्थितीत दिला जाणार आहे.
बी. प्रभाकरन यांचा अल्प परिचय: वी. प्रभाकरन यांनी स्थापन केलेली त्रिवेणी अर्थमुव्हर्स ही कंपनी सध्या देशात खाण विकास नेत्रातील सर्वात मोठी कंपनी म्हणून नावारूपाला आली आहे. गेल्या २५ वर्षात त्यांनी भारतासोबत देशाबाहेरही आपले कार्यक्षेत्र वाढवून ८ हजार लोकांना रोजगार मिळवून दिला २०१९ मध्ये प्रभाकरन यांनी सुरजागड लोहखाणीची लिज असलेली लॉयड्स मेटल्स कंपनी आपल्याकडे घेऊन स्टिल निर्मितीच्या उद्योगाला गडचिरोलीत चालना दिली. तामिळनाडू या बहराज्यातून कॉम्प्युटर सायन्समध्ये अभियांत्रिकी पदवीधर असलेले प्रभाकरन हे उत्कृष्ट पायल आहे.
