संतोष मेश्राम, राजुरा प्रतिनिधी मोबा.न.9923497800
महाराष्ट्र संदेश न्युज ! ऑनलाईन चंद्रपूर:- जिल्हा तून एक अपघाताची घटना समोर आली आहे. येथील बल्लारपूर येथे भरधाव वेगाने येणाऱ्या दुचाकीने एक वाटसरू तरुणाला जोरदार धडक दिली. या धडकेत तरुण गंभीररित्या जखमी झाल्याची घटना २६ जानेवारी रोजी घडली.
प्राप्त माहितीनुसार रमाबाई चौक, विद्या नगर येथील युवक संकेत धीरज चांदेकर हा पायदळ रस्त्याने जात असता समोरून मुदस्सिर शेख रा. महाराणा प्रताप वार्ड हा दुचाकी क्र. एमएच ३४ टी २३८९ ने भरधाव वेगाने येत संकेत यास जोरदार धडक दिली. त्यात त्याच्या डोक्याला जबर मार लागला असून त्याला चंद्रपूर वैद्यकिय महाविद्यालय येथे अतीदक्षता विभागात उपचारासाठी दाखल करण्यात आले आहे.
या अपघातात दुचाकी चालक मुदस्सिर शेख याचा पायाला व डोक्याला मार लागले आहे. पोलिसांनी दुचाकी चालक मुदस्सिर अब्दुल वहाब शेख याचा वर गुन्हा दाखल केला असून पुढील तपास पोलीस निरीक्षक उमेश पाटील यांच्या मार्गदर्शनाखाली सुरू आहे.
