अनिल कडू विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- हिंगणघाट पोलीस विभागात चाललं तरी काय? अशा प्रश्न आज हिंगणघाटकरना पडला आहे. हिंगणघाट पोलीस स्टेशन येथे एका आठवड्यापूर्वी पोलीस निरीक्षक नव्याने नियुक्त झालेल्या ठाणेदाराची अचानक एका आठवड्यात तडका फडकी बदली झाल्याने विविध चर्चेला उधाण आले आहे.
हिंगणघाट पोलीस स्टेशनचे नवनियुक्त ठाणेदार रविंद्र शिंदे याची वर्धेच्या सिटी पोलिस ठाण्यात बदली करण्यात आली. नुकतीच 01 फेब्रुवारीला विद्यमान ठाणेदार मारोती मुळूक याच्या कडून रविंद्र शिंदे यानी पदभार स्विकारला होता. पंरतू रविंद्र शिंदे यांची आठवड्यात तडकाफडकी वर्धा सिटी पोलीस ठाण्यात बदली करण्यात आली. त्याच्या जागेवर चिमुर येथे कार्यरत ठाणेदार गबने यांनी हिंगणघाट पोलीस स्टेशन चा कार्यभार स्वीकारला असून काल नवनियुक्त ठाणेदार गबने यांनी पदभार सांभाळला आहे.
या निमित्ताने हिंगणघाट पोलीस स्टेशनला एका आठवड्यात दोन ठाणेदाराच्या बदल्या पहावयास मिळाल्यामुळे शहरात चर्चेला उधाण आले आहे. नवीन ठाणेदार गबने यांचा कार्यकाळ किती दिवस राहणार किंवा यांची हि सुद्धा परत बदली केली जाणार याकडे नागरिकांचे लक्ष लागले आहे.
