आंतरविद्यापीठ विद्यार्थी चर्चासत्रामध्ये शिवाजी महाविद्यालय राजुऱ्याचे सुयश.

संतोष मेश्राम, राजुरा प्रतिनिधी

महाराष्ट्र संदेश न्युज ! ऑनलाईन राजुरा 27 फेब्रु:- विदर्भ युनिव्हर्सिटी फिजिक्स टीचर्स असोसिएशन द्वारे आयोजित आंतरविद्यापीठ विद्यार्थी चर्चासत्र शासकीय विज्ञान महाविद्यालय गडचिरोली येथे आयोजित करण्यात आला . या स्पर्धेमध्ये राष्ट्रसंत तुकडोजी महाराज विद्यापीठ नागपूर, गोंडवाना विद्यापीठ गडचिरोली व संत गाडगेबाबा विद्यापीठ अमरावती चे जवळपास 155 विद्यार्थ्यांनी सहभाग घेतला होता.

या स्पर्धेत शिवाजी महािद्यालय राजुरा च्या राधिका दोरखंडे, साक्षी कांबळे, राखी ताजने, अंजली राठोड, कसक कुरेशीनी सहभाग दर्शविला त्यात बीएससी अंतिम वर्षाची विद्यार्थिनी राधिका दोरखंडे हिने पोस्टर प्रेझेन्टेशन मध्ये प्रथम क्रमांक तर साक्षी कांबळे हिने ओरल प्रेझेन्टेशन मध्ये तृतीय क्रमांक पटकाविला. त्यांच्या यशाकरिता प्रो डॉ. विशाल दुधे यांचे मार्गदर्शन लाभले. विशेष म्हणजे या स्पर्धेत पोस्ट ग्रॅज्युएशन आणि अंडर ग्रॅज्युएशन च्या विद्यार्थ्यांनी सहभाग दर्शविला.

या स्पर्धेत नावलौकिक कमविणाऱ्या राधिका दोरखंडे व साक्षी कांबळे यांचे सर्वत्र कौतुक केले जात आहे. या दोन्ही विद्यार्थिनीचे अभिनंदन आदर्श शिक्षण प्रसारक मंडळ राजुराचे अध्यक्ष सुधाकरराव कुंदोजवार, सचिव अविनाश जाधव व सर्व पदाधिकारी तसेच प्राचार्य डॉ. एस एम वरकड, उप प्राचार्य डॉ. राजेश खेराणी, डॉ.विशाल दूधे, डॉ. मल्लेश रेडी व कर्मचारी वर्ग यांनी केले आहे.