अनिल कडू विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- सुभेदार हॉल नागपूर येथे झालेल्या आंतर महाविद्यालयीन ज्युडो स्पर्धेत रा. सुं. बिडकर महाविद्यालयाचे खेळाडू प्रज्वल सहारे (बी. एस्सी. भाग 3) व कु. धनश्री गाठे, (बी.एस्सी. भाग 2) या ज्युडो खेळाडूची राष्ट्रसंत तुकडोजी महाराज नागपूर विद्यापीठाच्या ज्युडो संघात निवड झाली.
आंतर विद्यापीठ वेस्ट झोन व अखिल भारतीय आंतर विद्यापीठ स्पर्धा अमृतसर (पंजाब) येथे होत असलेल्या राष्ट्रीय स्पर्धेत दोन्ही खेळाडू राष्ट्रसंत तुकडोजी महाराज नागपूर विद्यापीठ नागपूर ज्युडो संघाचे प्रतिनिधित्व करणार आहे.
दोन्ही खेळाडूंच्या यशाबद्दल ग्रामीण विकास संस्था अध्यक्षा डॉ.उषाकिरण थुटे, प्राचार्य डॉ. बालाजी राजुरकर, शारीरिक शिक्षण विभाग प्रमुख डॉ. बलराज अवचट, डॉ.जया जॉन. प्राध्यापक वर्ग, शिक्षकेतर कर्मचारी वर्ग व आजी- माजी बिडकर महाविद्यालयाचे खेळाडू यांनी त्याचे अभिनंदन करून शुभेछा दिल्या.
