प्रवीण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन वर्धा:- समुद्रपुर तालुक्यात नंदोरी येथून एक खळबळजनक घटना समोर आली आहे. येथे आज सकाळच्या सुमारास घराच्या अंगणातुन रस्त्याने जात असताना राजहंस बापूराव खेळकर यांच्या आरोपीनी कुऱ्हाडीने वार गंभीर जखमी केल्याची घटना घडली आहे. या घटनेनंतर आरोपी मुलगा व त्याची आई घटनास्थळावरून फरार झाले. ही घटना समोर येताच संपूर्ण गावात खळबळ उडाली आहे.
नंदोरी येथे आज सकाळी आठच्या वाजताच्या सुमारास राजहंस बापूराव खेळकर वय 50 हा आरोपीच्या घरासमोरून शौचालयास जात असताना इथून का जात आहे या कारणावरून आरोपी महिला शारदा प्रकाश वाळके या महिले सोबत क्षुल्लक वाद सुरू असताना त्याच वेळी आरोपीचा मुलगा संदेश प्रकाश वाळके हा कुऱ्हाड घेऊन आला व राजहंस खेळकर यांचे वर हल्ला करत गंभीररित्या जखमी केले यात त्याला डोक्याला मानेला मोठ्या प्रमाणात 4-5 घाव लागले आहे. यावेळी हल्ल्या नंतर राजहंस खेळकर हे जागीच बेशुद्ध झाले. यावेळी कुटुंबीयांनी त्यांना जखमी अवस्थेत सेवाग्राम रुग्णालयात दाखल करण्यात आले असून राजहंस खेळकर यांची प्रकृत्ती चिताजनक आहे.
या घटनेची माहिती पोलीस पाटील इमरान शेख यांनी पोलीस स्टेशनला देत पीएसआय चेतन टेंभुर्णे यांनी घटनास्थळी येत पंचनामा करत कुऱ्हाड जप्त करून घटनेची नोंद घेण्यात आली या वेळी फरार आरोपीचा शोध समुद्रपूर पोलीस ठाणेदार संतोष शेगावकर यांच्या मार्गदर्शनाखाली तपास समुदपुर पोलिस करत आहे.
