राज शिर्के मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- येथून एक खळबळजनक घटना समोर आली आहे. मुंबई पोलीस विभागात पोलीस हवालदार असलेल्या एकाने गळफास घेऊन आत्महत्या केल्याने पोलीस विभागात एकच खळबळ माजली आहे. कैलास टेकवडे वय 47 वर्ष असे त्यांचे नाव असून यांनी विरार येथील आपल्या राहत्या घरात गळफास घेऊन आत्महत्या केली आहे. ते विरार मधील घरात एकटेच रहात होते. दोन दिवसांपूर्वी त्यांनी आत्महत्या केली असल्याची शक्यता पोलिसांनी वर्तवली आहे.
47 वर्षीय कैलास टेकवडे हे मुंबई पोलिसांच्या मोटार परिवहन विभागात चालक म्हणून कार्यरत होते. 2000 मध्ये ते पोलीस दलात दाखल झाले होेते. टेकवडे हे विरार पश्चिमेच्या जकात नाका येथील गार्डन कोर्ट इमारतीत एकटे राहते होते. पत्नी आणि मुले त्यांच्यासोबत रहात नव्हते. कांदिवली येथे राहणारा कैलास यांचे भाऊ विलास याने 2 जुलै पासून भावाला संपर्क करत होते. मात्र कैलास यांच्याकडून प्रतिसाद नव्हता. त्यामुळे गुरूवारी त्यांनी आपल्या मित्राला विरारच्या घरी बघण्यासाठी पाठवले होते. परंतु दार बंद होते. त्यामुळे शेजार्यांनी अर्नाळा सागरी पोलिसांना माहिती दिली.
यावेळी पोलिसांनी घराचे दार तोडून घरात प्रवेश केला. यावेळी कैलास टेकवडे यांचा मृतदेह हॉल मधील पंख्याला लटकलेल्या अवस्थेत मिळाला. त्यानंतर पोलिसांनी मृतदेहाचा पंचनामा करून मृतदेह शविच्छेदनासाठी रुग्णालयात पाठवला.
मृतक कैलास टेकवडे यांच्रा घरातून पोलिसांना कुठलीही सुसाईड नोट मिळाली नाही. प्रथमदर्शी कैलास टेकवडे यांनी दोन दिवसांपूर्वी आत्महत्या केल्याची शक्यता वर्तविण्यात येत आहे. टेकवडे यांचा मृतदेहाच्या शवविच्छेदन अहवाल आल्यानंतर अनेक बाबी स्पष्ट होईल असे पोलिसांनी सांगितले.
