✒️मंगेश जगताप, मुंबई प्रतिनिधी
मुंबई:- येथून एक खळबळजनक घटना समोर आली आहे. दिल्ली वरून मुंबईला येऊन एका भीक मागायची सुरुवात केली. पण आपल्याला कुणी भीक देणार नाही म्हणून एक 3 वर्षाचा मुलाची चोरी केली. त्यानंतर ती त्याला घेऊन भीक मांगु लागली. पण तिचे बिंग पोलिसांनी फोडले आहे. दादर रेल्वे स्थानकातून आरोपी महिलेला अटक करण्यात आली. या महिलेच्या चौकशीतून धक्कादायक खुलासा करण्यात आला आहे. बोरीवली जीआरपी पोलिसांनी घडलेल्या प्रकाराबाबत खळबळजनक माहिती उघडकीस आणली आहे.
8 सप्टेंबरला बोरीवली येथील रेल्वे स्टेशन परिसरातून एका 3 वर्षाच्या चिमुकल्यांची चोरी झाली होती. मुलाचे अपहरण करण्यात आल्याचे समोर येतात एकच खळबळ उडाली होती. त्यानंतर त्याची तक्रार पोलिसांकडे दाखल करण्यात आली. हा मुलगा रेल्वे स्टेशन परिसरातून गायब झाल्यानंतर पोलिसांनी तपास करण्यास सुरुवात केली. रेल्वे स्थानकातील सीसीटीव्ही फुटेज आणि इतर खबऱ्यांच्या मदतीने पोलिसांनी आरोपी महिलेचा शोध घ्यायला सुरुवात केली होती. अखेर दादर रेल्वे स्थानकातून महिलेला अटक करण्यात आली आहे. अटक करण्यात आलेल्या महिलेच्या चौकशीतून धक्कादायक माहिती समोर आलीय.
बेड्या ठोकण्यात आलेल्या आरोपी महिला तीन दिवसांपूर्वी दिल्लीतून मुंबईला आली होती. आरोपी महिला मूळची दिल्लीत राहणारी आहे. जीआरपी पोलीस यांनी दिलेल्या माहितीनुसार, आरोपी महिला आपल्या अल्पवयीन मुली आणि मुलासह मुंबईत आली होती. लहान मुल असेल तर लोक आपल्याला भीक देणार, या इराद्याने तिने 3 वर्षांच्या मुलाचं अपहरण केलं होतं. या मुलाच्या मदतीने भीक मागण्याचा तिला प्लान होता. मुंबईतून ही आरोपी महिला चोरी केलेल्या मुलाला घेऊन दिल्लीला जाणार होती. पण त्याआधीच पोलिसांनी या आरोपी महिलेला आणि तिच्या दोन अल्पवयीन मुलांना अटक केली आहे. आरोपी महिलेला एक 17 वर्षांचा मुलगा आणि एक 10 वर्षांची मुलगी असल्याचं पोलिसांनी सांगितलंय.
