प्रवीण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन नागपूर:- दि. २३ ऑगष्ट ला मुख्यमंत्र्यांचे निवासस्थान वर्षा बंगल्यावर वर धडक देण्याची शेतकरी नेते रविकांत तुपकर यांची घोषणा. आंदोलन दडपण्याचा प्रयत्न केल्यास राज्यव्यापी आंदोलन करणार युवा संघर्ष मोर्चाचा सक्रिय सहभाग राहणार.
शेतकऱ्यांची संपूर्ण कर्जमुक्ती, सोयाबीन-कापूस दरवाढ, पिकविमा, पांदणरस्ते यासह शेतकऱ्यांच्या विविध मागण्यांकडे सरकारचे लक्ष वेधण्यासाठी शेतकरी नेते रविकांत तुपकर यांनी आज प्रेस क्लब नागपूर येथे पत्रकार परिषद घेत येत्या तीन दिवसात राज्यशासनाने शेतकऱ्यांच्या वरील सर्व समस्यांचे त्वरित निराकरण करावे अन्यथा दि.23 ऑगस्ट 2024 रोजी शेतकऱ्यांना घेवून मा.मुख्यमंत्री यांच्या ‘वर्षा बंगल्यात’ शेतकरी आत्महत्या कसा करतो, याचे प्रात्यक्षिक दाखविणार असल्याची घोषणा केली.
या पत्रकार परिषदेला युवा संघर्ष मोर्चाचे अध्यक्ष किरण ठाकरे व विविध जिल्ह्यातून आलेले शेतकरी प्रतिनिधी उपस्थित होते.
