राज शिर्के मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- वसई येथे पोलीस विभागात कार्यरत असलेल्या दोन पोलीस कर्मचाऱ्यांनी वर्दीला काळीमा फासणारे कार्य केले आहे. त्यामुळे मोठ्या प्रमाणात संताप व्यक्त केला जात आहे. वसई पोलीस दलात कार्यरत असलेले पोलीस कर्मचारी गोव्याला सहलीसाठी निघालेले होते पोलिसांनी वाटेत एकट्या जाणार्या मुलीला अडवून तिची छेड काढली आणि तिचे अपहरण करण्याचा प्रयत्न केल्याची घटना मंगळवार 24 सप्टेंबर रोजी सिंधुदुर्ग जिल्ह्यातील देवगड तालुक्यातील जामसंडे येथे ही घटना घडली होती. त्यानंतर संतप्त गावातील नागरिकांनी या दोन पोलिस कर्मचाऱ्यांसह 5 जणांना बेदम चोप देऊन त्यांना पोलिसांच्या ताब्यात दिले होते. त्यानंतर देवगड पोलिसांनी या 5 आरोपींना अटक केली आहे. हा प्रकार समजताच पोलीस आयुक्तांनी या पोलिसांनी दोन्ही पोलिसांनी निलंबित केले आहे.
प्राप्त माहितीनुसार, वसई वाहतूक पोलीस शाखेत कार्यरत असणारे पोलीस शिपाई हरिराम मारोती गिते वय 34 वर्ष आणि पोलीस शिपाई प्रवीण रानडे वय 32 वर्ष हे दोघं आपल्या मित्र माधव केंद्रे वय 32 वर्ष, श्याम गिते शंकर गिते वय 32 वर्ष, आणि सतवा केंद्रे वय 32 वर्ष यांच्यासह नोकरीची रजा घेऊन गोव्याला खाजगी वाहनाने सहलीसाठी जात होते. मंगळवार 24 सप्टेंबर रोजी सिंधुदुर्ग जिल्ह्यातील देवगड तालुक्यातील जामसंडे गावातील आनंदवाडी वळणावर एक 18 वर्षीय महाविद्यालयीन विध्यार्थी घरी जात होती. ती एकटी असल्याचे पाहून या पोलिसांनी तिची छेड काढली. पोलीस शिपाई हरिराम गीते याने ‘माझ्या सोबत येते का? तुला वसई फिरवतो असे सांगितले. वाहनातील अन्य पोलिसांनीही या विध्यार्थीनीची टिंगलटवाळी काढून तिची छेड काढली. ती दुर्लक्ष करून जात असताना या पोलिसांनी तिचा हात ओढून तिला गाडीत टाकून पळवून नेण्याचा प्रयत्न केला. हा प्रकार समजताच आसपासचे ग्रामस्थ गोळा झाले. त्यांनी या पोलिसांना बेदम चोप दिला आणि देवगड पोलिसांच्या ताब्यात दिले. देवगड पोलिासंनी त्यांच्या विरोधात भारतीय न्याय संहितेच्या कलम 74, 75(2), 140 (1), 62, 140 (3) व 62, 140 (4) 3(5) विविध कलमा अन्वये गुन्हा दाखल करून आरोपीला अटक करण्यात आली आहे.
पोलीस शिपाई गीते, रानडे निलंबित: या घटनेची माहिती वसईत समजताच संपूर्ण पोलीस दलात खळबळ माजली आहे. ज्या पोलिसांचे काम रक्षण करण्याचे आहे तेच महिलांची छेड काढून तिच्यावर अत्याचार करण्याचा प्रयत्न करत असल्याने संतापाची लाट उसळली आहे. शुक्रवारी मिरा भाईंदर वसई विरार पोलीस आयुक्तालयाचे पोलीस उपायु्क्त (मुख्यालय) सुहास बावचे यांनी विनयभंग करणारे पोलीस शिपाई हरिराम गिते आणि प्रवीण रानडे या दोघांना सेवेतून निलंबित केले आहे.
