संतोष मेश्राम राजुरा तालुका प्रतिनिधी
महाराष्ट्र संदेश न्युज ! ऑनलाईन राजुरा 15 ऑक्टो:- स्मार्ट ग्राम मंगी बु. येथे महिला बचत गट भवन लोकार्पण सोहळा संपन्न झाला. या प्रसंगी गावातील प्रथम नागरिक सरपंच शंकर तोडासे, उपसरपंच वासुदेव चापले, ग्रामविकास समिती अध्यक्ष परशुराम तोडासाम पंचायत समिती कार्यरत अमोल आभारे व पेटकर सोबतच जिल्हा परिषद शाळेचे मुख्याध्यापक ऋषी मेश्राम ग्रामपंचायत सदस्या धृपदा आत्राम ग्रामपंचायत सचिव नारनवरे उपस्थित होते.
सरपंच शंकर तोडासे यांच्या हस्ते महिला बचत गट भवनाचे रिबीन कापून लोकार्पण करण्यात आले. यावेळी प्रमुख पाहुणे मंडळी यांनी सभागृहात जास्तीत महिला बचत गट मेळावे, सभा घ्याव्यात या करिता आवाहन करण्यात आले. या कार्यक्रमाचे सूत्रसंचालन सुधीर झाडे विषय शिक्षक यांनी केले तर आभार ग्रामपंचायत सचिव नारनवरे यांनी व्यक्त केले. यावेळी नावातील शेकडो महिला पुरुष उपस्थीत होते.
